Statsministeri pilluaqquaa

Naalakkersuisut Siulittaasuata Kim Kielsenip statsministeri Lars Løkke Rasmussen naalakkersuisunngortitsinerani pilluaqquaa

Asasara Lars Løkke Rasmussen,

Danmarkimi qinersisoqareersimalernerani Danmarkimi statsministerinngorninni qamannga pisumik pilluaqqorusuppakkit. Naalakkersuisut sinnerlugit naalakkersuisunngortitsininni aamma pilluaqqorusuppakkit.

Naalakkersuisut Danmarkimilu naalakkersuisut pitsaasumik angusaqarfiulluartumillu suleqatigiinnissaat qilanaarivara. 

Naalakkersuisunngortitsinermut tunngaviusumi Kalaallit Nunaata pitsaasumik pingaarutilimmillu ilaatinneqarnera takullugu nuannaarutigaara. Kalaallit Nunaannut Naalagaaffeqatigiinnermullu pingaarutilinnut tunngatillugu Danmarkilu suleqatigiilluarnerput attatiinnassavarput.

Naalagaaffeqatigiinneq pillugu Kalaallit Nunaanni ataatsimiinnissaq aggustusimi iluatsissinnaassappat tassani naapinnissarput qilanaarivara.

 

 

 

Inussiarnersumik inuulluaqqusillunga

 

 

Kim Kielsen
Naalakkersuisut Siulittaasuat