Naalakkersuisut Siulittaasuata umiarsualivissaq takusaraa

Naalakkersuisut Siulittaasuata Nuummi umiarsualivissap sanaartorneqarnera marlunngornermi 23. juni 2015 takusarpaa. Silagilluinnarpoq sanaartorfimmullu Kim Kielsenip takusaanera nuannisartitsilaavippoq.

Sanaartorneq aallartilluarsimasoq silallu qaamanera atorluarniarlugu sulineq ingerlalertupallassimasoq Naalakkersuisut Siulittaasuata takuaa.

”Takusaanera paasisaqarnaqaaq qanimullu takullugu soqutiginarluni. Sanaartorneq ingerlalluarpasippoq umiarsualiviillu piareernissaa qilanaarnarluni”, Naalakkersuisut Siulittaasuat Kim Kielsen oqarpoq.

Takusaanermit assit.

 

 

Paasisaqarnerorusuttut attavigisinnaavaat Ingerlatseqatigiiffinnut Allattoqarfimmi pisortaq Rasmus Pedersen, oqarasuaat +299 34 50 00 imaluunniit e-mail rasp@nanoq.gl.