Urani pillugu angalanermi KNR ilanngunneqarlunilu ilisimatinneqarpoq

Naalakkersuisut ammasuunissamik puigugaqarsimanerarlugit KNR-ip allannera eqqortuunngilaq.

Canadamut angalanissap pilersaarusiorneranut atatillugu Inuussutissarsiornermut, Suliffeqarnermut Niuernermullu Naalakkersuisoqarfik KNR-imut, ilaatigut uranimut tunngasumik ataatsimiinnermut allagaqatigiittuarnermullu atatillugu Canadamut urani pillugu angalasoqassasoq siusinnerusukkut nalunaarsimavoq.

Peqataasinnaaneq pillugu KNR-imit apeqqutilliisoqareerneratigut angalaneq sioqqullugu KNR oqartussaasunit akuersaartumik nalunaarfigineqarput, tassalu sulisorisamik peqataanissaannut namminneq aningaasartuutinik akileerusussappata. Tassunga tunngatillugu Naalakkersuisoqarfiup oqaatigaa angalatitsisartutut ingerlatseqatigiiffimmi apeqqutilliisoqareerneratigut aallarnissami tassani inissaarussimavoq. Tamatigulli KNR-ip aallarnissani allani angalatitaqarsinnaasimavoq, tamannali pisimanngilaq!

Naatsumik oqaatigalugu Naalakkersuisut akuersaarniartuusimapput, pilersaarusiornerulli tungaatigut periarfissaqarsimanngilaq.

Qulaanut ilaliullugu oqaatigineqarsinnaavoq Namminersorlutik Oqartussat Avannaani urani pillugu ataatsimiisitsinernik tusagassiortut malinnaanerannut siusinnerusukkut tapiissuteqarsimasut. Taamanikkut tusagassiuutini allanit assut isornartorsiuisoqarpoq, tusagassiuutit allaanerusumik pineqarfigineqartutut isumaqarlutik.

Taamaattumik tusagassiorfiit ilanngunneqannginnerarlugit KNR-ip isornartorsiuilluni saqqummiussinera uniuisoq Naalakkersuisut isumaqarput.

Ammasuunermut tunngatillugu paasisitsiniaalluni angalanerit siusinnerusukkut pisimasut assingusut assigalugit angalanermit eqqikkaaneq www.naalakkersuisut.gl-imi tamanut saqqummiunneqassasoq.

 

Erseqqinnerusumik paasissutissarsiornermi attavigiuk naalakkersuisumut allatsi Thomas Kjærgaard, oqarasuaat angallattagaq 580858-ikkut.