Greenland Holding A/S-imi ataatsimeersuarneq

Sisamanngorneq ulloq 18. juni nal. 15.00 Greenland Holding A/S-imi ataatsimeersuartoqarpoq.

Ingerlatseqatigiiffik 2013-imi 46,3 mio. koruuninik sinneqartooruteqarsimalluni, akileraaruteqareernermi 41,8 mio. koruuninik sinneqartooruteqarluni 2014 anigorpaa.

Greenland Holding-ip paasissutissiissutigaa assigiinngitsunik suliniuteqarnermikkut Kalaallit Nunaat tamakkerlugu inuussutissarsiutinik siuarsaanermik tapersersuinermik ingerlatiinnarnissaa aallunniarlugu.

”Kalaallit Nunaat tamakkerlugu aallussivigineqarmat Naalakkersuisut nuannaarutigaat, aammalu Naalakkersuisut neriuutigaat Greenland Holding tapersiissuteqarnissamut periarfissat assigiinngitsut ilisimaneqarnerulersinniarnerannik iluatsitsilluassasoq, taamaalilluni taakkua Kalaallit Nunaanni suliffeqarfinnut arlalinnut iluaqutaasinnaassallutik.”
Ataatsimeersuarnermi taamatut oqarpoq Naalakkersuisunut Siulittaasoq Kim Kielsen

Ataatsimeersuarnermi maannakkut Greenland Holding-imi siulersuisuusut toqqaqqinneqarput. Taamaattumik siulersuisut suli tassaassapput Christian Motzfeldt siulittaasutut, kiisalu Taitsiannguaq Olsen, Hanne Kristiansen aamma Vitta Motzfeldt siulersuisuni ilaasortatut.

Annertunerusut pillugit attavigisassaq:
govsec@nanoq.gl