Nunami namminermi Ikummatissiassanut paasissutissanik nalunaarsukkanut toqqorsivik

Kalaallit Nunaat nutaamik Nunami namminermi Ikummatissiassanut paasissutissanik nalunaarsukkanut toqqorsivittaarpoq (GNPDR)

Sajuppillatsitsisarnernit aamma puilasulianit paasissutissanut nalunaarsukkat Kalaallit Nunaanni uuliasiornermut gassisiornermullu tunngassuteqartut, siusinnerusukkut GEUS-imit aqunneqartut, vil fra ulloq 15. juni 2015 aallarnerfigalugu Aatsitassanut Ikummatissanullu Naalakkersuisoqarfiup suleqatigiligaanit Common Data Access Limited (CDA)-imit Kalaallit Nunaanni Naalakkersuisut sinnerlugit aqunneqalissapput.

CDA tassumalu pilersuisua Schlumberger Software Integrated Solutions (SIS) qarasaasiami paasisutissaasivinnik uuliasiornermut gassisiornermullu tunngassuteqartunik inerisaanermi aserfallatsaaliuinermilu ataatsimoorlutik ukiorpassuarni misilittagaqarput. CDA aamma paasissutissanik toqqorsiviit anginersaasa ilaannut, Tuluit Nunaanni sinerissap avataani uuliasiornermut gassisiornermullu paasissutissanik nalunaarsukkanik imaqartumut, akisussaasuuvoq.

Kalaallit Nunanni nunami namminermi ikummatissiassanut paasissutissanut nalunaaarsukkanut toqqorsivimmut nutaamut tunngavissarititaasut nassuiarnissaannut Aatsitassanut Ikummatissanullu Naalakkersuisoqarfimmi Ujarassiornermut Immikkoortortaqarfik, CDA aamma SIS qanimut suleqatigiipput. Tassuma inerneraa nittartagaq nutaaq nalunaarsuereernerup kingorna ingerlaannaq aallerfigineqarsinnaasoq aammalu atoruminartoq, aamma uani nassaarineqarsinnaasoq www.greenpetrodata.gl.

Suliaqartut nittartakkami pisariitsumik ujarlersinnaapput, ujarlerfissat annertuut imaluunniit nunap assingi GIS-imit aallaaveqartut, paasissutissanik Kalaallit Nunaanni uuliasiornermut gassisiornermullu tunngassuteqartunik, nunamut (onshore) imaluunniit imaanut (offshore) tunngasunik, takussutissiilluartut pigineqartut atorlugit, paasissutissanik nalunaarsukkanik nunap qanoq sananeqaateqarneranut aamma puilasuliani paasissutissanut tunngassuteqartunik pisinissaq toqqarsinnaallugu.

Kalaallit Nunaanni nunami namminermi ikummatissiassanut paasissutissanut nalunaaarsukkanut toqqorsivimmut nutaamut tunngatillugu paasissutissat aamma Aatsitassanut ikummatissanullu oqartussaasup nittartagaanni nassaarineqarsinnaapput, uani www.govmin.gl.