Apeqqutit piffissaq eqqorlugu piumassuseqarlunilu akineqarput

2015-imut avaleraasartuunut pisassiissutit pillugit Aalisarnermut Ataatsimiititaliap apeqqutai amerlasuut Naalakkersuisut piffissaq eqqorlugu piumassuseqarluarlutillu akissuteqarfigereerpaat.

Naalakkersuisut ilisarisinnaanngilaat ukioq maannamut avaleraasartoortassat pillugit ip-passaq 11. junimi tusagassiorfinnut Aalisarnermut Ataatsimiititaliamit amerlanerus­suteqartut nalunaarutaanni ersersinniarneqartut.  Peqatigitillugu Naalakkersuisut apeq­qu­tinik ataatsimiititaliamit taakkusunit pisut  ingerlaatsimut tunngatillugu apeqqu­tigi­saannut atatillugu Aalisarnermut Ataatsimiititaliap Naalakkersuisunut isornartor­siutaanut tunngasunut akissuteqarnermut atatillugu isornartorsiutaasunut paasiumi­naatsitsipput.  

Ataatsimiititaliap apeqqutai akissuteqarfiginiarlugit Naalakkersuisut piumassuseqarluarlutik isumasioqatigiinnernut tamanut takkuttarsimapput - oqaasiinnartigut aammali allakkatigut. Naalakkersuisut akissuteqarnissamut piffissaliussat sivikittaraluaqisut taamaattoq ataatsimiititaliap piumasaannik naammassinninniartarsimapput.  Naalakkersuisut maanna ataatsimiititaliamit apeqqutit allat suli aamma akissuteqaleruttorfigaat.  Naalakkersuisut tassuunakkut akissuteqarnissamut akunnernit 48-innarnit ataatsimiiti-taliap tunngavilersuinani sivikitsumik piffissaliineranit sivisunermik piffissaqarusupput, Naalakkersuisummi sivikitsumik piffissaliunneqartumit sukumiinerusunik akissuteqarusukkamik.

Naalakkersuisut qinnuteqartut nalilersorneqarneri aallaavigalugit piumasaqaatit tamaasa tamanut saqqummiuppaat. Qinnuteqarfissap qaangiutinnginnerata iluani qinnuteqartut tamarmik nalilersorneqarsimapput, qinnuteqaammillu itigartinneqartut tamarmik piuma­sa­qaataasunik tamanullu saqqummiuteriikkanik tunngavilersuutinik peqquteqaaserlugit allaffigineqarput.

Naalakkersuisut Aalisarnermut Ataatsimiititaliamit taakkuusunit apeqqutit tamaasa piumassuseqarluarlutik akereerpaat, soorluttaaq Aalisarnermut Ataatsimiititaliap paa­sissutissanik attuumassuteqartunik piumanera Naalakkersuisut saqqummiutereeraat. Naalakkersuisut aamma ingerlatsineq pillugu inatsisip iluani sinaakkutaasut malillugit paasissutissat tamaasa saqqummiutereerpaat. Aalisarnermut Ataatsimiititaliap tassunga tunngasut saqqummiussai taamaammat Naalakkersuisut ilisarisinnaanngilaat.

Inussiarnersumik inuulluaritsi

Kim Kielsen,
Naalakkersuisut Siulittaasuat