Imeq errortuutikoq aqulluarneqarnerulissaaq

Erngup errortuutikup passunneqartarnera piiarneqartarneralu pillugu nalunaarusiaq nutaaq Naalakkersuisut akuereqqammerpaat.

Nalunaarusiap nunami erngup errortuutikup avatangiisinut isumannaatsumik passunneqartarnissaa, aammalu erngup errortuutikup siunissami imaanut toqqaannartumik kuutsinneqartarnissaa qulakkeertussaavaa. Kalaallit Nunaanni imermik errortuutikumik nunamut toqqaannartumik kuutsitsisarunnaarnissaq siunertarineqarpoq.

"Nalunaarusiaq inuiaqatigiinnut kalaallinut tamarmiusunut, tassalu inuinnarniit suliffeqarfinnut kommuninullu tunngasuuvoq, taamaattumillu nalunaarusiaq inuiaqatigiinnut tamarmiusunut pingaaruteqartorujussuuvoq annertuumillu iluanaaruteqarfiusussaalluni. Tamatuma saniatigut nalunaarusiap imeq errortuutikoq innuttaasunut ataasiakkaanut suliffeqarfinnulluunniit akornutaappat, imaluunniit imeq errortuutikoq naatsorsuutigeriinngisamik sunniuteqarnerluppat oqartussaasut akulerunnissamut arlalinnik sakkussaqartilissavai,”, Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúko oqarpoq.

Nalunaarusiaq taamaattoq qangaaniilli kommuninit kissaatigineqarpoq, aammalu nalunaarusiornermi kommunit suleqataalluarsimapput. Kommunit aamma Namminersorlutik Oqartussat akunnerminni qanittumik oqaloqatigiissimapput, aammalu suleqatigiinnerat pilersitsiviulluarsimavoq.

Imermut errortuutikumut nalunaarutip suliarineqarnera danskit Issittumi avaatangiisinut tapersiisarnerat aqqutigalugu suliniutitut aallartinneqarsimavoq.

Nalunaarummi ilaatigut uku pillugit maleruagassat aalajangersarneqarput:

 

  • Ÿ  Kommunit imermut errortuutikumut pilersaarusiornissaat.
  • Ÿ  Imermut errortuutikumut kuuffeqarfinnut attaviliinissamut pisussaaffeqarneq.
  • Ÿ  Sermimut, nunamut, imermut tarajulimmut tarajoqanngitsumullu kuutsitsinissamut akuersissutit.
  • Ÿ  ”Mingutsitsisup akiliisarnissaanik” tunngaveqarnermik, akitsuummik akiliisitsisinnaanermut    periarfissiiffiusumik atuutsitsilernissaq.
  • Ÿ  Anartarfiit imaartakkat imaannik aammalu imermik errortuutikumik tankinit katersuiffiusunit  piiaasarneq

 

Nalunaarut 1. august 2015-imi atuutilissaaq.