Naalakkersuisut Siulittaasuata Naalakkersuisoqarfiani pisortartaaq

Naalakkersuisut isumaqatigiissut ullumi aalajangerput Søren Hald Møller Naalakkersuisut Siulittaasuata Naalakkersuisoqarfiani naalakkersuisoqarfimmi pisortatut 12. juni 2015 aallarnerfigalugu atorfinissasoq.

 

Søren Hald Møller Kalaallit Nunaanni 1986-imit najugaqarpoq sulillunilu, pisortallu suliffeqarfiutaanni sivisuumik atorfeqarsimalluni, ilaatigut Namminersornerullutik Oqartussani Namminersorlutillu Oqartussani pisortatut atorfeqartarsimalluni ukiorpaalunnilu Naalagaaffimmut sinniisuusimalluni.

 

Kim Kielsen oqarpoq:

 

”Søren Hald Møllerip, maanna ilisarillualersimasama, suleqatigilernissaa qilanaaraara Naalakkersuisullu pisortani periusissanillu suliaqarnerup iluani sivisuumik sulisimanerani misilittagarilersimasaasa iluaqutigilernissai qilanaaraat. Qularutiginngilara Søren Hald Møllerip misilittakkani tunngavigalugit Naalakkersuisut Siulittaasuata Naalakkersuisoqarfiani aqutsinermi Namminersorlutik Oqartussallu ineriartortinneqarnerannut eqeersimaartumik tunniussaqarsinnaasoq.” 

 

Naalakkersuisut Siulittaasuata Naalakkersuisoqarfiani pisortatut atorfimmut qinnuteqartut sisamaapput. 

 

Nuuk, 12. juni 2015

Jørgen Isak Olsen
Naliliisartunut ataatsimiititaliami siulittaasoq
Tel: 345308