Nipisat suaannik pisarineqarsimanngitsut sumiiffimmut 1A-mut nuussineq

Kujataani aqutsiveqarfiit 1F aamma 1E aamma 1C Sisimiut eqqaanniittoq tallimanngormat maajip 29-anni nipisat suaannik aalisarfigineqarunnaarput.

Sumiiffinni pineqartuni pisat naatsorsorneqalersimapput. Naatsorsuinerit takutippaat sumiiffinni 62 tonsit sinneruttut, pisarineqarsimanngitsut.

Nipisat suaasa aalisarneqarnissaasa aqunnerinut pilersaarut naapertorlugu nipisat suaat 30 tonsit 1A-mut aalisarneqarsinnaasunngorlugit nuunneqarput. Pisarineqarsimanngitsut affangajaat nuunneqarlutik.

Aqutsiveqarfimmi 1A-mi nipisat suaat tamakkerlugit aalisarneqangajapput, 30 tonsinik nuussisoqarpat tamaani nipisat suaannik aalisarneq ingerlaannalissaaq.

Sinneruttut 32 tonsit sillimmataassapput, taakku aqutsiveqarfinnut allanut kingusinnerusukkut nuunneqarsinnaassapput, pisariaqartitsineq naapertorlugu, taakkunani aalisarneqarsinnaalissallutik.

Pisassanik nuussineq nipisat suaasa aalisarneqarnissaasa aqunnerinut pilersaarut naapertorlugu aaqqiineruvoq.

Nipisat suaasa aalisarneqarnissaasa aqunnerinut pilersaarutip siunertaraa suannik aalisarneq siuarsarneqassasoq. Aqutsiveqarfinnut ataatsimut pisassiissutit piuminarsarlugit aaqqitaapput. Tamakkiisumik pisassiissutit kisimik aalangersimasumik pisassiissutaapput.

Inussiarnersumik inuulluaqqusillunga

Med venlig hilsen

Esben Ehlers

Toqq/direkte 345314

eseh@nanoq.gl