Nunanut tamalaat – EU-mut puisit amii pillugit paasiniaatitsisoqalerpoq

Puisit amii pillugit paasititsiniaaneq suleqatigiiffimmit Inuit Sila Europami ataasinngormat maajip 18-ianni 2015 paasititsiniaalerpoq.

Aalisarnermut, Piniarnermut Nunalerinermullu Naalakkersuisup, Karl-Kristian Krusep, puisit amii pillugit paasititsiniaaneq tamakkiisumik tapersersorpaa.

- Nuannaarutigaara puisit amii pillugit paasititsiniaaneq EU-mut, Strasbourgimut maannamut anngummat, nunatsinni Danmarkimilu ukiuni kingullerni marlunni paasititsiniaareerluni, Karl-Kristian Kruse erseqqissaavoq.

Suliaq Inuit Sila tassaavoq puisi pillugu tamatuminngalu atuineq pillugu paasititsiniaaneq.

EU-mut puisinit tunisassiat eqqunnissaat 2009-mili inerteqqutaalermata,  susassaqarfiit assigiinngitsut nunatsinni puisimik piujuaannartitsineq tunngavigalugu atuisoqartarnera, imarmiunillu, paasititsiniaalerput. 

Nalunaarusiat ikittuinnaanngitsut EU-mut nassuiaassutit nassiunneqartaraluartut tikinneqartaraluarlunilu, aamma tusarniaaffigineqartaraluarluni, paasinarsivoq  nunatsinni puisimik piujuaannartitsineq tunngavigalugu atuisoqartarnera politikkerinit innuttaasunillu qaammaasarfigineqanngitsoq.

Inuit Sila qaammaasaqarnerulernissamik suliaqarpoq,  nunarsuarmioqataasut, soorlu aamma EU-mi najugaqartut nunatsinni puisinniartarnerup pingaaruteqassusianik  ilisimasaqarnerulernissaanik qaammarsaavoq, nunatsinni puisinniartarneq aamma akuerisaasoq paasititsiniaassutigineqarluni.  Aamma puisinit tunisassiat piujuaannartitsineq tunngavigalugu niuernerummat, tamannalu unioqqutitsissutaanngitsumik inuussutissarsiutaammat.

Annersumik Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortamut, Amalie Jessenimut paasiniaasoqarsinnaavoq. Mail: amalie@nanoq.gl