Eqqaaniut

Ministeriusimasup allattaanerullu Halldór Ásgrimssonip 18. maj 2015-imi toquneranut eqqaaniut

Halldór Ásgrimssonip siusippallaamik toqunerani Islandimiut siulilersaarutaanni versi ”Hávremál” tusaamasaq eqqaassallugu pissusissamisoorpoq, tassanimi ima allaqqavoq: 

Fæ dør, frænder dør,

også du skal dø,

eftermælet aldrig dør

om, hvad vel er endt.

Halldór Ásgrimssonip eqqaamaneqaataa qaqugumut eqqaamaneqassaaq, ilaqutaasa nunaqqataasalu tulluusimaarutigisinnaasaat. Halldór Ásgrimsson ukiorpanni Islandimi politikkikkut ingerlatsinermi qitiusimavoq, pileruttorami partiimini siulittaasuusimalluni, parlamentimi sulisimalluni ministeriusimallunilu.  Halldór Àsgrimssonip toquneratigut Kalaallit Nunaat ikinngutigilluakkaminik annaasaqarpoq.

Toqunera assorsuaq aliasuutigalugu tusarparput. Halldór Àsgrimsson ilisarisimavarput pingaartumik Alting-imi ilaasortaaneranit Islandimilu nunanut allanut ministeriuneranit eqqaamavarput - Island nunani qaninnerpaamik sanilerput sorpassuartigullu suleqaterput - aammali Nunani Avannarlerni Siunnersuisoqatigiinni sulinera Kalaallit Nunatsinnut pingaaruteqarsimaqaaq, aammami nunani avannarlerni issittumut tunngassuteqartuni tamani. Halldór Ásgrimssonip suliaa annertooq kingulleq tassaavoq Nunani Avannarlerni Ministerit Siunnersuisoqatigiivini 2007-imit marts 2013-imut allattaasimanera. Halldórip sulissutiginninneratigut aamma sulinerata nalaani nunanut sanilerisanut politikkeqalerpoq, tassani Kalaallit Nunaata kitaani sanilerisat ilanngunneqarmata. Ukioq manna februaarimi Nunani Avannarlerni Ministerit Siunnersuisoqatigiivi Quebec-imi Canadami nunami immikkoortumi naalakkersuisuilu ataatsimut isumasioqatigiipput. Isumasioqatigiinneq taanna Halldór Ásgrimssonip allattaanermi nalaani politikkikkut takorloorsimasaa tunngaviulluni. Piffissami matumani ilaqutai Islandermioqataalu eqqarsaatitsinniipput.

Halldór Ásgrimssonip eqqaaneqarnera ataqqinartuuli.

Nuuk, 28. maj 2015

Vittus Qujaukitsoq

Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq