Kruse Savalimmiuni ataatsimeersuaqataassaaq

Aalisarnermut, Piniarnermut Nunalerinermullu Naalakkersuisup, Karl-Kristian Krusep Savalimmiuni Nordens Husimi ataatsimeersuartunut juunip aappaanni aamma pingajuanni peqataassaaq. Peqataaffissaa tassaavoq immap uumasuinik atorluaanissaq pillugu ataatsimeersuarneq.

Ataatsimeersuarnerup siunertaraa politikikkut oqaluuserineqassasoq Atlantikup avannaata kangiata Issittullu imartaata immammi uumasuinik atorluaalluni qanoq aningaasarsiorluartoqarsinnaanersoq.

Ataatsimeersuarneq immikkoortunut pingasunut avitaavoq: immap uumasuinik atuilluni nunarsuaq tamakkerlugu nunallu immikkoortuini atuineq, aamma taakkuninnga atuilluni  periarfissat ineriartortinneqarsinnaasutullu assersuutit, taakkulu periarfissaat kiisalu politikikkut qanoq aaqqiillunilu ineriartortitsisoqarsinnaanersoq.

Ataatsimiissutigineqartussat ilaatigut tassaapput immap sissallu naasuisa ilaat, quajaatit qeqqussallu ilaannik qeqqussanillu naatitsisinnaaneq, aalisakkanik tunisassiorneq saniatigullu pisanik aamma aalisarnermit sinneruttunit atuineq. Pineqartut nakorsaasiornermut, nerisassiornermut aamma nerukkaasiornermut ilaatigut atorneqartarput.

Ataatsimeersuarneq Savalimmiuni aalisarnermut naalakkersuisoqarfiup Nordiske Marine Tænketank suleqatigalugu aaqqissuussaraat.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi pisortaq, Jørgen Isak Olsen. Mail: jio@nanoq.gl