Qujanaq suleqatigiilluarnermut

Aviâja Egede Lynge aamma Klaus Georg Hansen Saammaateqatigiinnissamut isumalioqatigiissitamiit tunuarput atorfininnertik peqqutigalugu, aammalu atorfigiligaat isumalioqatigiissitap suliaanut kattutsinneqarsinnaanngimmata.

”Aviâja Egede Lynge aamma Klaus Georg Hansen isumalioqatigiissitamiit tunuartariaqarsimanerat ajuusaarnaraluartoq, suliffittaavanni ajunnginnerpaamik kissaappagut. Qularnanngitsumik suleqatigiinneq naleqarsimavoq, taamaattumik maannamut isumalioqatigiissitami ineriartortitseqataasimanerat  suliaqaqataasimanerallu pillugit qutsavigaagut.

Isumalioqatigiissitami sulineq ingerlaannassaaq, qilanaaraarpullu ilaasortassat nutaat piffissami qaninnermi toqqarneqariarpata suleqatiginissaannut”. Isumalioqatigiissitaq sinnerlugu taama oqaaseqarpoq Jens Heinrich.

Massakkut Saammaateqatigiinnissamut isumalioqatigiissitami ilaasortat ukuupput Jens Heinrich aamma Ida Mathiassen kiisalu ataqqinaammik ilaasortaq Karla Jessen Williamson.

Isumalioqatigiissitamut tunngasut paasissutissat annertunerusumik takuneqarsinnaapput uani www.saammaatta.gl

 

Paasissutissanik amerlanerusunik perusukkuit attavigiuk: Mari Kleist, Allaffimmi pisortaq, Saammaateqatigiinnissamik isumalioqatigiissitap allattoqarfia, e-mail: marh@nanoq.gl oqa.: +299 345136