Nuup eqqaani nipisat suanniarneq sivitsorneqarpoq

Nuup eqqaani, aqutsiveqarfimmi 1D-mi, ulluni 47-ni nipisanniarfissat ullunik 14-inik sivitsorneqarpoq.

Sivitsuinermut pissutaavoq aqutsiveqarfimmut pisassiissutaasut 522 tonsiusut affaat angunagit maannamut pisarineqarsimammata.

Nipisat suanniarneq ataasinngornermi apriilip 13-ianni aallartinneqarpoq, pilersaarutillu naapertorlugit ullumi tallimanngornermi maajip 29-anni unitsinneqartussaagaluarluni.

Nipisat suaannik pisassiissutit nungujaanngippata, ulloq tunitsiviusussaq tassaassaaq juunip 12-at.

1D-mi nipisannut qassutit kingusinnerpaamik juunip 12-anni 2015-imi qaqereerneqarsimassapput.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. Mail: Emanuel@nanoq.gl