Tunumi avaleraasartoortassat pisassiissutigineqarnerisa agguaanneri

Tunumi avaleraasartoortassat pisassiissutigineqarnerisa agguaanneqarneri Naalakkersuisut aalajangerpaat.

Aalisarnermut, Piniarnermut Nunalerinermullu Naalakkersuisoqarfiup qinnuteqaatit 48 tigusimavai, avaleraasartuullu qinnutigineqartut katillugit 400.000 tonsit sinnerpaat.

Naalakkersuisunit aalajangiinissamut piumasaqaatigineqartut tunngavigalugit qinnuteqartut ataasiakkaat qinnuteqaataat suliarineqarsimapput, tamatuttaaq taakku tunngavigalugit pisassiisoqarluni.

Ingerlatseqatigiiffiit avaleraasartuunik pisassinneqarsimasut aamma ilisimatinneqarsimapput pisassiissutigineqartut pisassiissutaagallarmata, pisassiissutigineqartut tamakkerneqanngippata nutaamik pisissiisoqarsinnaalluni. Avaleraasartuut pisassiissutigineqartut tamakkerneqarnissaat tamatumani anguniarneqarmat. Taamaattumik pisat ataavartumik malinnaavigineqarumaarput.

Ingerlatseqatigiiffiit avaleraasartuunik pisassinneqartut ataani takuneqarsinnaapput.

Attuumassuteqarpallaartoq

Avaleraasartuunik aalisarniarlutik qinnuteqartut suliarineqarmata Naalakkersuisuni ilaasortaq, Karl-Kristian Kruse, ilisimatitsivoq ingerlatseqatigiiffiit ilaannut, qinnuteqarsimasumut, attuumassuteqarpallaarnini pissutigalugu aalajangeeqataasinnaanani. Taamaattumik Naalakkersuisut siulittaasuannut nalunaarpoq ingerlatseqatigiiffiit agguaaffigineqalerpata aalajangeeqataasinnaanani.

Taamaattumik Naalakkersuisut siulittaasuat ukioq maannamut avaleraasartoortassat agguaaffigineqarmata politikkikkut akisussaasuuvoq, agguaassinissarlu Naalakkersuisunut suliassanngortillugu.

Kitaata sineriaani pisassiissutit

Kitaani avaleraasartuut 5.000 tonsit pisassiissutigineqarput, taakku sinerissap qanittuani pisassanngorlugit immikkoortitaapput. Kitaata sineriaata qanittuani aalisarsinnaanermut akuersissutaatillit avaleraasartuunik misileraanissamut akuersissummik pisinnaapput. Aalisartut pisassassaat killilersugaassanngillat, taamaattoq 5.000 tonsit nungunnissaasa tungaannut aalisarsinnaavaat. Sinerissap qanittuani avaleraasartuunik aalisarneq misissugassanik katersuiffiussanngilaq

Nalunaarsuiffik 1: Ingerlatseqatigiiffiit salliutinneqarlutik pisassinneqartut.

Ingerlatseqatigiiffinnut namminneerlutik aalisariutilinnut  pisassiissutaapput.

Ingerlatseqatigiiffik

Aalisariut nunatsinneersoq

Pisassiissutit (tons)

Qajaq Trawl

Markus

4.000

Polar Seafood gruppen

- Sigguk

- Polar Seafood Greenland

- Polar Pelagic

 

Polar Nanoq

Polar Princess

Polar Amaroq

12.000

Sikuaq Trawl / Niisa Trawl

Steffen C / Regina C

6.000

Royal Greenland Pelagic

Tasiilaq

Tuneq

Tasermiut

Timmiarmiut

12. 000

Qaleralik

Tuugaalik

4.000

Arctic Prime Fisheries

Ilivileq

Qavak

8.000

Enoksen Seafood gruppen

- Enoksen Seafood

- Angunnguaq

 

Juni

Angunnguaq 2

4.000

Greenland Pelagic A/S*

Tasiilami ikerinnarsiorluni pisanut tunisassiorfik

 

5.000

 

Katillugit

 

 

55.000

* Ingerlatseqatigiiffimmut piumasaqaataavoq Tasiilami aalisakkanik ikerinnarsiortunik tunisassiorfimmik pilersitsinissaa, umiarsualivimmik, innaallagissamik imermillu pilersuinissamik aamma pilersitsissasoq.

Nalunaarsuiffik 2: Ingerlatseqatigiiffiit tulliullugit pisassinneqartut.
Ingerlatseqatigiiffiit namminneerlutik aalisariuteqanngitsut.

Ingerlatseqatigiiffimmut piginneqataasut amerlasuut tassaassallutik sinerissap qanittuani aalisartut, aamma ingerlatseqatigiiffiit 2014-imi avaleraasartoorniartoqarmat inuttanik nunatsinneersunik ilinniartitsisimasut.

 

 

Ingerlatseqatigiiffik

Pisassiissutit (tons)

Halibut Greenland Pelagic

 

4.285

Qaquk Fish

4.285

KNT

4.285

Arsuk Food / Papik Fish

4.285

Selskabet 66.56 North

4.285

Arctic Raven

4.285

Malik Seafood

4.285

 

Katillugit

 

30.000

 

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. Mail: emanuel@nanoq.gl.