Great Greenlandimut ukioq ulapaarfiusoq

Great Greenland logo

Tallimanngorneq 29. maj 2014-mi nal. 14.00 Great Greenland A/S-mi ileqquusumik ataatsimeersuartoqarpoq.
Oqaluuserisassaniippoq ilaatigut ingerlatseqatigiiffiup ukiumoortumik nalunaarusiaanik akuersineq.

Great Greenlandip ukiumi naatsorsuusiorfiani kingullermi amigartoorutit 37,9 mio. kr.-iupput. Ingerlatseqatigiiffimmut ukioq unamminartuusimavoq, akiliisinnaassutsikkut suli tatisimaneqarluni. Ajortumik angusaqarneq siusinnerusukkut suleqatigisimasamut eqqartuussivimmi suliami nalikilliliinernut atatinneqarpoq, naak eqqartuussivimmi suliami ajugaasoqaraluartoq nalikilliliinissaq pinngitsoorneqarsinnaasimanani. Ukiut kingulliit marluk angusani qulaani taaneqartoq eqqartuussivimmi suliaq eqqaassanngikkaanni, taava Great Greenland siuariarfiusimavoq, 2013-mi 6 millionit koruunit missaannik amigartoornermiit 2014-mi 2,6 millionit koruunit missaannik amigartoornermut.

Siulersuisunit sakkortusaaneq
Ataatsimeersuarnermi Ditte Hejberg Sorknæsip ivertinneqarneratigut siulersuisut sakkortusarneqarnissaat Naalakkersuisunit toqqarneqarpoq, taanna piffissami sivisuumi Kopenhagen Furimi tunuliaqutaqarpoq. Ditte Hejbjerg Sorknæs isumalluarfigineqarpoq annertuumik attaveqarluarnermigut niuerfigisinnaasanut nutaanut ingerlatsivimmut tapertaalluarumaarneranik.

Tamatuma saniatigut siulersuisuni toqqaaqqittoqarpoq. Siulersuisut imaalerput, Bruno Olesen, siulittaasutut ingerlaannartoq, kiisalu Dorthea Rødgaard, Erik Sivertsen, Annette Greiner kiisalu Ditte Hejberg Sorknæs.

 

Annertunerusut pillugit attavigisassaq:
govsec@nanoq.gl