Thule Air Base pillugu erseqqissat

Thule Air Base pillugu AG-ip maajip 13-ani 2015 saqqummersumi allaaserisaanut erseqqissaat

AG-mi maajip 13-ani saqqummersumi Thule Air Base-mi sullissinissamut isumaqatigiissut pillugu allaaserineqartumi Inuussutissarsiornermut, Suliffeqarnermut Nunanullu Allanut Naalakkersuisup Vittus Qujaukitsoq erseqqissaateqarpoq, allaaserisaq qulequtserneqarsimasoq "atorfilittat akerleriinneranni Thule-mut tunngasuni paatsiveerusimaartoqarpoq".

Naalakkersuisut Siulittaasuannik Kim Kielsenimik Inuussutissarsiornermut, Suliffeqarnermut Nunanullu Allanut Naalakkersuisup isumasioqateqareerluni Thule Air Base-mi sullissinissamut isumaqatigiissut pillugu ilassutitut ilisimatitserusuppoq.

Vittus Qujaukitsoq ima oqaaseqarpoq:

"Thule pillugu Namminersorlutik Oqartussani susassaqartut assigiinngitsut akornanni isumaqatigiinngittoqarsimaneranik oqartoqarnissaa tunngavissaqanngilaq. Tamanna qulakkeerniarlugu inatsisilerituut misissuinissaat utaqqineqartariaqassaaq. Ajuusaarutigaara AG-mut oqaaseqarsimanera Namminersorlutik Oqartussat allaffeqarfiannit suliap ingerlaneranni allat soqutigisaat salliunneqarsimasut.


Paasisaqarnerorusuttut toqqaannartumik attavigisinnaavaat:

Naalakkersuisut Siulittaasuat imaluunnit Inuussutissarsiornermut, Suliffeqarnermut Nunanullu Allanut Naalakkersuisoq.