Royal Arctic Line A/S ullumi ukiumoortumik ataatsimeersuarpoq

Royal Arctic Lines ukiut 22-issaanni ingerlanneqarnera Kalaallit Nunaanni ineriartornerup ataatsimut nalorninartorsiorfiuneranik sunnerneqarpoq. Akileraarutit sioqqullugit angusarineqartut tamarmiusut 56 millionit missaannik pitsanngoriarput.  2013-imi akileraarutit sioqqullugit 20 millioninik amigartoorfiusimariarluni 2014-imi akileraarutit sioqqullugit 36 millioninik sinneqartoorfiuvoq. 

Suliffeqarfissuup angusarissaarnera arlalinnik pissuteqarpoq, kisiannili aningaasartuutaasartunut sakkortuumik aqutsinerit angusarineqartut siuariartornerisa ilaannut malunnartumik iluaqutaasimapput.  Taakku saniatigut assartukkanut akit qaffaaffigineqarnerat kaaviiaartitat, taamaalillutillu isertitat, 22 million kr.-init missaannik qaffariarsimanerannut pissutaaqataapput. Kiisalu sammineqartuni akuersissutitaqanngitsuni sammisat amerlineqarnissaat ingerlatseqatigiiffiup iluatsissimavaa. 

Ataatsimeersuarnermi siulersuisut tamarmik qinerneqaqqipput.

Pisortamut tunuartumut Jens Andersenimut ataatsimeersuartarsimanerni arlaqartuni taanna kingulliuvoq, taanna soraarninngorniarluni aalajangerpoq Verner Hammekenimillu aasaru 2015-imi kingoraarneqassalluni.

”Nuannerpoq Royal Arctic Line-p siorna amingartoorutit ukioq manna sinneqartoornermut saatimmagit, ingerlatseqatigiiffiullu aningaasartuutikillisaaneq aamma suli pingaartittorujussuummagu. Tamanna iluatsillugu pisortaasimasoq ukiuni arlalinni suleqatigineranut qujavunga. Inuttut ikinngutaalluarsimavutit ukiullu qaangiunneranni oqaloqatigiittarsimanivut pingaarteqaakka. Pisortamut nutaamut aamma tikilluaqqusivugut Kalaallillu Nunaannut tikilluaqqigit” Naalakkersuisut Siulittaasuat Kim Kielsen oqarpoq.

Attavigiuk:

govsec@nanoq.gl