Greenland Oil Spill Response A/S ullumi ukiumoortumik ataatsimeersuarpoq

Greenland Oil Spill Response A/S-imi ineriartorneq suli aallartisartutut isikkoqarpoq. Aamma naatsorsuutigisamik suliat annikinnerusimapput, ilaatigut avataani ukiut siuliinut sanilliullugu uuliasiornerit ikinnerusimallutik. Tamanna naatsorsuutigisamiillu kingusinnerusumik uuliasiorsinnaatitsissutinik nutaanik tunniussineq pissutigalugit isertitat naatsorsuutigisamit ikinnerupput.

Greenland Oil Spill Response A/S-ili ukiumi pineqartumi ulapissimavoq ingerlatarpassuaqarluni, tamatumani ilaatigut uuliaarluartoqarneranut akiuiniarnermi upalungaarsimanermilu avataani pikkorissarsimalluni, uuliaarluartoqarneranik akiuiniarneq pillugu Nunatsinni ilisimasaqassutsimik qaffaataasimasumik.

Greenland Oil Spill Responsep 2014-imi naatsorsuutai akileraarutit ilanngaatigereerlugit   -228.587 kr.-nik inerneqarput.

Siulersuisut tamamik qineqqinneqarput

”Greenland Oil Spill Responsep ukiumi naatsorsuutigisamit suliaqannginneruffiusumi ilaatigut sulisuni upalungaarsimanermilu sulisut allat Kalaallit Nunaata sineriaani uuliaarluartoqarneranik akiuiniarnermi ilinniartissimammagit nuannaarutissaavoq. Ajutoortoqaraluarpat taamaalilluta pinngortitatta kusanartup sunnerneqarnissaa killilersimaarsinnaavarput”, Naalakkersuisut Siulittaasut Kim Kielsen oqarpoq.

 

Paasisaqarnerorusuttut attavigisinnaavaat govsec@nanoq.gl