Islandip Kalaallit Nunaatalu ataatsimut nalunaarutaata ingerlateqqinnera

Tallimanngornermi majip arfineq pingajuanni 2015 Nunanut Allanut Pisortaqarfiup pisortaa – Aalisarnermut, Piniarnermut Nunalerinermullu Naalakkersuisoqarfik – Peqqissutsimut Pitsaaliuinermullu Aqutsisoqarfik – Peqqinnissamut Naalakkersuisoqarfik – kiisalu Inuutissarsiornermut, suliffeqarnermut niuernermullu  Naalakkersuisoqarfik peqataaffigisaannik Islandimi Nunanut Allanut ministeriemiit  – Aalisarnermut Nunalerinermut Ministeriamiit taamatullu Islandip Generalkonsuuleqarfianiit aallartitat Nuummi ataatsimiipput.

Islandip Kalaallit Nunaatalu illugiilluni suleqatigiinnissamut isumaqatigiissutaat ukiuni kingullerni nukittorsarneqarsimavoq. Novemberimi 2013 ataatsimut nalunaarutissamik atsioqatigiittoqarneratigut naqissuserneqarpoq Islandip Kalaallit Nunaatalu suleqatigiikkusunnerat nukittorsarnerqartoq.

Islandimiut aallartitaasa tikeraarnerat ataatsimut nalunaarutip ingerlariaqqinnissaanik pissuteqarpoq, tassani ataatsimut nalunaarummi qulequtarineqartut pingaarnersiorneqarsimasut oqaloqatigiissutigineqarneri ingerlateqqinneqarlutik.

Ataatsimiinnermi ilaatigut eqqartorneqarpoq inuussutissanik nakkutilliinerup suleqatigiissutigineqarnerata annertusaavigineqarnissaa, tassuunakkut inuussutissanik niueqatigiinnerup ajornannginnerulernissaa anguniarneqarluni. Ilanngulluguttaaq EU oqaluuserineqarpoq, tassani EU-p puisit pillugit peqqussutaata allannguiffigineqarniarnera eqqartorneqarpoq, kiisalu Issittumi Siunnersuisoqatigiinni, Nunat Avannarliit Killiillu siunnersuisoqatigiivini sulineq tikinneqarlutik. Naggataatigut isumaqatigiissutigineqarpoq aalisarnikkut, peqqinnissakkut niuernikkullu suleqatigiinnerup nukittorsarneqarnissaa.

Nunanut Allanut Pisortaqarfik ullup ingerlasimaneranut naammagisimaarinnilluarpoq, ukiunilu aggersuni Islandilu qanimut suleqatigiinnerulernissap annertusiartortiinnarnissaanut qilanaalereerlutik.

 

Ataatsimut nalunaarutip atorfilittatigoortumik malitseqartinneqarnissaa tulleq pissaaq 2016 upernarnerani. 

 

Annertunerusumik paasisaqarusukkussi attavigisinnaavasi:

Pisortaq Kai Holst Andersen, Nunanut allanut pisortaqarfik, mobil nr.: 55 33 31