Naalakkersuisoq Nivi Olsen sallunngilaq

Sorlak-mi siulittaasoq Paninnguaq Kruse oqaaseqarpoq Nivi Olsen sallusimasoq, Sorlak politiinut tunniussimanerarlugu.

Ilumoorpoq, Naalakkersuisoq Nivi Olsen radio aviisimi kalaallisut oqarmat: ”Inatsisit malillugit sulisariaqarnerput peqqutigilluinnarlugu aalajangiunneqartariaqarsimavoq politiit aqqusaarneqartariaqassasut”, radio aviisillu danskisuuvani Naalakkersuisoq imatut oqarpoq: ”Vi har politianmeldt Sorlak, fordi Sorlak har uberettiget brugt Tips og Lotto midler pulje B til dækning af egen drift og underskud.”

”Danskisut oqarneq ”Vi” – uagut – Naalakkersuisoqarfimmut innersuussineruvoq, uanga Naalakkersuisutut qullersaallunga akisussaaffigisannut, - taamaattumik suliap qiterisinnaanngilaa politiinut suliassanngortitsineq uannit nammineq imaluunniit Naalakkersuisoqarfimmit isumagineqarsimanersoq.” Nivi Olsen oqarpoq, ingerlaqqillunilu:

”Nuannaarutigaara atuarakku Sorlak piumassuseqartoq Naalakkersuisunik pitsaasumik suleqateqarnissaminut, - tamatumunngalu uanga peqataarusuppunga”.

Tigussaasumik paasissutissiissutigineqassaaq Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfiup Sorlak-mi siulersuisut politiinut suliassanngortimmagit ulloq 11. november 2014, Aningaasanoorutit ilaannit iluanaarutinit agguaassisarneq pillugu Inatsisartut Inatsisaat nr. 10, 10. november 2011-meersumi § 2, imm. 1. nr. 3-mik unioqqutitsisimasutut.

Annertunerusunik paasisaqarniaraanni Naalakkersuisup allattaa Jens-Frederik Nielsen attavigineqarsinnaavoq, aqqutigalugu email: jfni@nanoq.gl aamma oqarasuaat +299 560299.