Andap Dansk Industriimeersoq Karsten Dybvad ataatsimeeqatigigaa

Anda Uldum Dansk Industriimi (DI) pisortat qullersaannik Karsten Dybvadimik ataatsimeeqateqarsimavoq, oqaluuseralugit nunatta aningaasaqarnera, aaqqissuusseqqinnernik suliarisat, aammalu inuussutissarsiutitta ineriartortinnerannik sanarfinermut danskini suliffeqarfiit aningaasaliisartullu qanoq ilapittuuteqarsinnaanerat.

”Ataatsimiinneq pitsaallunilu kinguneqarluarpoq, maannakkut pisunik arlalippassuarnik oqaluuserinnilluta, ilaatigut inuussutissarsiorfimmi ineriartortitsineq qanoq ataatsimoorullugu aallartisarsinnaanera pillugu”, Anda Uldum, Aningaasaqarnermut Aatsitassaqarnermullu Naalakkersuisoq oqarpoq, ukiullu ingerlanerani ataatsimeeqqinnissaminnik isumaqatigiissimanertik ilisimatitsissutigaa.

Ataatsimiinnerup nalaani Anda oktobarimi DI-p ataatsimeersuartitsineranut, ilaatigut Kalaallit Nunaanni aatsitassat pillugit imaqartussamut oqalugiartussatut qaaqquneqarpoq.