Eqqumiitsuliornikkut eqquiniaasitsineranni kalaaleq ajugaasoq

Issittumi Siunnersuisoqatigiit inuusuttunut eqqumiitsuliornikkut eqquiniaasitsineranni kalaaleq ajugaasoq

Amma Kvist Nunatsinneersoq siullertut inissilluni Issittumi Siunnersuisoqatigiit inuusuttunut eqqumiitsuliornikkut eqquiniaasitsineranni ajugaavoq.

Canadap Issittumi Siunnersuisoqatigiinni siulittaasuuffeqarnerata naggaserniarneranut atatillugu siulittaasuusimalertussat inuusuttunut Issittumiittunut eqqumiitsuliornikkut eqquiniaasitsipput. Issittumi inuusuttut 18-iniik 25-t tungaannut ukiullit sammisaq: ”Issittumi inuiaqatigiit ineriartornissaat” najoqqutaralugu ilanngussassanik nassitsinissaannik kaammattorneqarput. Ilanngussat assigiinngitsut 20-t eqquiniaasitsinermut nassiunneqarsimapput, suliallu qanoq nutaaliaatiginera, katiterneqarnerata pitsaassusaa sammisallu qanoq nassuiarluartigineqarnera aallaavigalugu nalilersorneqarlutik.

Namminersorlutik Oqartussat taavalu ICC Greenland ataatsimoorlutik Kalaallit Nunaanniit ilanngussassanik marlunnik eqquiniaasitsinermut nassiussisimapput. Ilanngussani taakkunani suliaq ataaseq ”Woman and the Ulu”-mik qulequtaqartoq, Amma Kvistimit 21-nik ukiulimmit suliarineqarsimasoq ajugaasutut akissarsitinneqarpoq.

Suliani pillugu Amma Kvist oqarpoq: ”Taanna suliara assut isumaqartippara, arnaq kalaaleq ulumut tarrarsortoq. Ulumut tarrarsorpoq pissutigalugu kalaaliunini tarrarsuutigigamiuk. Uanga kalaaliunera assut pingaartikkakku. Ulu arnat savigivaat, qanga assut atortarpaat, taamaasillunga ulumut tarrarsortippara.”

Suliat inissilluarnerpaat pingasut Canada Goosemiit parkanik pinnatassaqarput.

Issittumi Siunnersuisoqatigiinnit tusagassiorfinnut nalunaarummut eqqumiitsuliallu assiliartaannut linki.