Qeqqata Kommuniani aaffanniarneq 15. majimut sivitsorneqarpoq

Aalisarnermut, Piniarnermut Nunalerinermullu Naalakkersuisup Karl-Kristian Kruse-p, Qeqqata Kommuniani Kitaani ukiukkut aarrit piniagaaffianit immikkut majip 15-iata tungaanut piniarneqarsinnaaneri sivitsorneqarnissaat akuersissutigaa. Immikkut akuersissuteqarneq taamaallaat ukioq manna 2015-imi atuutissaaq.

 

Aaveqatigiit pineqartut 66° A-p (Kangerlussuup paavata kujataa) aamma 70° - 30´A-p (Qeqertarsuatsiap avannamut kangimut nuua) akornanni 1. martsimiit 30. aprilimut, ullut taaneqartut ilanngullugit piniaqqusaapput.

 

21. april 2015 ilanngullugu aqutsiveqarfimmi taamaallaat aarrit 18-t pisarineqarsimapput.

 

Qeqqata Kommuniata Pisuussutit Uumassusillit pillugit Ataatsimiititaliaa Qeqqata Kommuniani aarrit piniagaanerisa majip naanissaanut sivitsorneqarnissaannik qinnuteqarpoq. Qinnuteqarnernut tunngavigineqarput ukioq manna aarrit piniagaaffiata nalaani kitaata sikuunerujussua aammalu sumiiffinni silap unerisimannginnerujussua piniarnermi annertuumik killiliimmat.

Aamma tunngavigineqarpoq ulluni makkunani neqissaqarniarneq annertuumik ajornarluinnarmat sumiiffimmilu puiseqanngilluinnarmat sila sikullu, sikut siamasinnermik pulataarnissaq piniartunut nangaanarluni. Tamatumunnga ilutigalugu silap unerisimannginerata kingunerisimavaa neqissaqarniarneq ajornarluinnarluni.

 

”Qeqqata Kommuniani aaffattassiissutit sinnerneqanngippata piniarneqarnerisa majip 15-ianut ulloq taanna ilanngullugu sivitsornissaa aammalu piffissamik sivikinnerpaamik aarrit akornusersorneqarpata ajoriffissaqartinneqanngilara”, Karl-Kristian Kruse nalunaarpoq.

 

 

Paasissutissat annertunerusut Immikkoortortami pisortamut saaffiginninnikkut pissarsiarineqarsinnaapput:

 

Amalie Jessen

Toqq/direkte 345304

amalie@nanoq.gl