Utaqqisarfik Peqqissutsimut Naalakkersuisup atoqqaartippaa

Ataasinngorneq ulloq 27. april Peqqissutsimut Naalakkersuisoq, Martha Lund Olsen-ip, nakorsiarlutik Kangerlussuarmut aqqusaartut utaqqisarfiat nutaaq atoqqaartippaa.

-”Tamatta nalunngilarput, napparsimagaanni, tunuartilaarluni qasuersaalaarnissaq pisariaqartartoq. Nuannaarutigeqaara, nakorsiarlutik aqqusaartut periarfissaqalernerat. Naalakkersuisut napparsimasunut angalasunut pitsaanerusumik atugassaqartitse­rusupput, aamma utaqqisarfiup atoqqaartinnerani Naalakkersuisooqatigiit isumaqatigiissutaanni siunniussaq Kangerlussuarmi nakorsiartut utaqqisarfeqalernissaat piviusunngortipparput,” oqaaseqarpoq Peqqissutsimut Naalakkersuisoq, Martha Lund Olsen nangillunilu:

-”Immikkut qujaffigerusuppakka Issittumi Sakkutooqarfik, kajumissuseqarlutik akuersaarsimasut, ikiortiserigatsigit pisattat Qallunaat Nunaanniit Kangerlussuarmut arsartornerini. Mittarfeqarfiit aamma ikiuulluartorujuupput. Peqataasimasunut qujanaq ikiuunnerinut tapersersuinerannullu Napparsimaveqarfimmut nakorsiartunullu uani suliami.”

Utaqqisarfik nutaaq angissuseqarpoq 44 m²  Kangerlussuarmilu nakorsiartarfiup ungasinngisaaniilluni.

Paasissutissanik pissarserusukkuit attavigiuk Peqqissutsimut Naalakkersuisoq Martha Lund Olsen allattaa Lea Holm oqarasuaat +299 346605 imaluunniit e-mail leah@nanoq.gl