Aqutsiveqarfinni nipisat suanniarneq

Kalaallit Nunaata Kitaani nipisat suanniarneq aqutsiveqarfinni sivisunerpaamik ulluni 47-ni siunissami pisalissaaq, aqutsiveqarfiit immikkut pisassinneqartassallutik. Nipisat suanniarneq unitsinneqartassaaq pisassiissutigineqartut nungukkaangata, ullulluunniit 47-it nallerneqaraangata.

Suanniarnerup aallartinnera
Aqutsiveqarfinni 1F-mi aamma 1E-mi nipisat suanniarneq tallimanngornermi apriilip 10-anni aallartinneqassaaq, 1D-mi aamma 1C-mi ataasinngornermi apriilip 13-anni aallartinneqassalluni. Nipisat suanniarnerup aqunneranut pilersaarut naapertorlugu aaqqitaavoq, aqutsinermut pilersaarut Naalakkersuisunit 2014-imi akuerineqarpoq.

Pisassiissutit
Aqutsiveqarfimmi 1F-mi pisassiissutigineqartut 114 tonsiupput, 1E-mi 165 tonsit, 1D-mi 522 tonsit, aamma 1C-mi 267 tonsit. Kitaani pisassiissutigineqartut katillutik 1.500 tonsiupput, aqutsiveqarfinni arfinilinni aalisarneqarsinnaallutik.

Kingullermik tunisineq
Aqutsiveqarfinni 1F-mi aamma 1E-mi kingullermik marlunngornermi maajip 26-anni tunisisoqassaaq, pisassiissutigineqartut nungoreersimanngippata. Ullormik allamik nalunaarutiginnittoqarsinnaassaaq. Aqutsiveqarfimmi 1D-mi aamma 1C-mi ulloq tunisivissaq kingulleq tassaavoq tallimanngorneq maajip 29-at, pisassiissutigineqartut nungoreersimanngippata. Aqutsiveqarfinni pisassiissutigineqartut nungussimanngippata aqutsiveqarfinnut allanut nuunneqarsinnaapput.

Aqutsiveqarfiit

Annertunerusumik paasisaqarusunnermi saaffigineqarsinnaavoq Jóhanna Lava Køtlum, allaffimmi pisortaq, Aalisarnermut, Piniarnermut Nunalerinermullu Naalakkersuisoqarfik oqa. +299 34 50 00