Ammassassuarniarnermi kalaallit aalisariutaataat salliutinneqassapput

Nuuk Havn

Naalakkersuisut aalajangerput ammassassuarniarnissami kalaallit aalisariutaataat kisimik akuersissummik tunineqassasut.

Naalakkersuisut februaarip 13-ianni 2015 aalajangerput misiligutaasumik ammassassuit 20.000 tonsit aalisarneqassasut, aamma saarullernat 10.000 tonsit misiligutaasumik aalisarneqassallutik.

Ammassassuit saarullernallu misiligutaasumik maannamut suli aalisarneqassapput, taakkua sumiiffigisartagaat qanorlu amerlatigineri paasissallugit suli pisariaqartinneqarmat, aamma uumassusiisa paasissutissartaat katersorneqassammata.

Ammassassuit saarullernallu aalisarneqarsimasut akitsuuserneqarneq ajorput. Taamaattumik kalaallit aalisariutaataannik aalisarneqarpata nunap karsiata aningaasalersorneqarneranut tapertaassapput. Ammassassuit akitsuuserneqanngimmata aalisariutinik attartukkanik aalisarneqarpata nunatta aningaasaqarneranut tapertaatitsisoqarnavianngilaq, akerlianik aalisariutinik nunatsinneersunik inuttaqartitsilluni aalisarneqarpata, suliffissanik nutaanik pilersitsisoqassaaq akileraarutinillu A-nik akileraaruteqartoqassalluni. 

Avaleraasartuut aalisarneqarnerisa nalaanni ammassassuit aalisarneqartarput.

Aalisariutit avaleraasartoorniarnissamut akuersissutaatillit saarullernanik aalisarsinnaanermut akuersissutinik tunineqarsinnaapput.

Aalisariutit ammassassuanniartut saarullernanniartullu killilersuiffigineqarneq ajorput, pisassiissutigineqartulli nungunneqaraangata aalisarunnaartarput – aalisakkat paggatassiissutaasarmata.  

Naatsorsuutigineqarpoq avaleraasartoorniarneq juunip aallartissimalerani aallartissasoq, ammassassuanniarneq kingusinnerulaartukkut aallartissalluni. Saarullernat qaqugu aalisarneqarsinnaalernissaat erseqqissumik oqaatigiuminaappoq.

Attavigineqarsinnaasoq: Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Lava Køtlum, email: jool@nanoq.gl