Kujataani saarullinniartoqarsinnaalissaaq

Naalakkersuisut immikkut akuersissuteqarlutik kujataata avataani apriilip 1-anit maajip 31-annut saarullinniartoqarsinnaasoq akueraat.

Tamaani saarullinnik maannakkut aalisartoqarsinnaanngilaq, saarulliit suffimmata.

Immikkut akuersissuteqarnermut atatillugu piumasaqaataassasoq aalisariummi aalisarnermut nakkutilliisoqarnissaa kiisalu Pinngortitaleriffiup ilitsersuutai malillugit annertusisamik misissugassanik tigusisoqartassalluni.

Maannakkut saarullinniarfigineqarsinnaasunngortoq tassaavoq imartaq NAFO-p imartaanut ilaasoq 1F, sumiiffiillu ima nalunaaqutserneqarsimapput Q5 aamma Q6.

Taakku Kalaallit Nunaanni saarullinniarneq pillugu ingerlatsinissamut 2014-2016-imut pilersaarummi allassimapput,
Ataavartumik piffissami saarullinniarneq qulakkeerneqassaaq. Tunisassiorfinni tunitsivinnilu sulisut aalisartullumi pingaarutilimmik suliassaqartinneqalissapput.

Attavigineqarsinnaasoq Jóhanna Lava Køtlum, allaffimmi pisortaq. Alisarnermut, Piniarnermut Nunalerinermullu Naalakkersuisoqarfik. E-mail: jool@nanoq.gl

Nunap assinga