Nunat Avannarlerniit tamanit tikeraat

2015-imi Nordisk Ministerrådimi danskit siulittaasuulerneri pissutigalugit ulluni 27.-30. april 2015-imi Ilulissani Suliffeqarluni inuunermut Atorfilittat Ataatsimiititaliarsuannit (Embedsmandskomiteen for Arbejdsliv) aamma Suliffeqarfimmut Ataatsimiititaliamit (Arbejdsmarkedsudvalget) atorfilittat ataatsimiinneri marluk pissapput.

Ataatsimiinnerni Finlandimi, Norgemi, Sverigemi, Savalimmiuni, Islandimi Danmarkimilu nunat avannarliit suliffeqartitsinermik ministereqarfiinit atorfilittat 25-t peqataassapput.

Ataatsimiinnerit saniatigut atorfilittat Ilulissani aalisakkanik tunisassiorfik HALIBUT, aamma Piareersarfik takusassavaat, soorlulusooq ilaatigut SIK-mi siulittaasumit Jess G. Berthelsenimit aamma Aatsitassaqarnermut Naalakkersuisoqarfimmi Naalakkersuisoqarfiup pisortaanit tunngavissiissutit aqqutigalugit Kalaallit Nunaanni maannakkut suliffeqarfiusumik paasisaqassallutik.

Neriniartarfimmi Mamartuni immikkut ittumik nalliuttorsiutitut nereqatigiinnermi borgmester Ole Dorph najukkamilu suliffeqarfiutillit arlallit nunat avannarlernit inuusuttunik nunani allani suliaqartitsisarfimmut kulturimillu naapitsisitsisartumut NordJobbimut, Nordisk Rådip ataani aaqqissuussaasumut attuumassuteqartut peqataassapput.

Annertunerusumik paasisaqarusunnermi saaffissaq Janus Chemnitz Kleist, jck@nanoq.gl, oqa.: +299 48 59 11