Digitalimik sullissinissaq piumaneqaleriartuinnarpoq

Misissuinerup nutaap ”Innuttaasut IT-lu” tamanut saqqummiunneqarnera.

Pissutsit ukiuni kingullerni tallimani atuuttut allanngoratik ingerlaannarput.

Innuttaasut ulluinnarni IT-mik atuinerujartuinnarput - digitalilu aqqutigalugu suli annertunerusumik attaveqaqatigiittarnissaq ujartorlugu.

Innuttaasut IT-mik atuinerat 2010-mili misissorneqartalerpoq, misissuinerlu kingulleq soqutiginartunik arlalinnik inerneqarpoq:

  • Innuttaasut amerlanerit angerlarsimaffimminni internetsimut attaveqarput. 2014-imi atuineq 2013-imut naleqqiullugu 28 %-imik annertuseriarsimavoq, tassa innuttaasut aperineqartut 77 %-ii angerlarsimaffimminni internetsimut attaveqarput
  • 2013-imut naleqqiullugu innuttaasut 13 %-iisa pisortat digitalikkut attaveqarfigineqarnerunissaat ujartorpaat. Tassa innuttaasut 63 %-iisa allakkanut sanilliullugu digital atorusunneruaat
  • Innuttaasut digitalikkut imminut sullinnermik atuisut 2013-imit 21 %-inik amerlisimapput

Taamatut ineriartortoqarneratigut Naalakkersuisut Digitalinngorsaanermut periusissiaata ”Digitalisering ingerlatsissutitut” iluatsinnissaa tunngavissaqarlualerpoq. Digitalikkut Allakkat suliniutissat ilagaat sulissutigineqartoq. Digitalikkut allakkanik tigusisarnissaq aamma pisortanik suliffeqarfinnillu Sullissivik aqqutigalugu nammineq NemID-erisaq atorlugu digitalikkut attaveqartarnissaq innuttaasunut neqeroorutaavoq piumassuseq tunngavigalugu atorneqarsinnaasoq. Digitalikkut attaveqaqatigiinnermi iluaqutissarpassuit ilagaat pisortat allaffissornerisa pisariinnerulernerat, innuttaasulli aamma tamanna iluaqutigissappassuk IT-mik internetsimillu atuinissamut ilikkartinneqartariaqarput.

"Sullissinerit suli amerlanerusut digitaliseererneqassapput, taamaasillutik innuttaasut Sullissivinni utaqqeqqaanngikkaluarlutik suliassaatiminnik angerlarsimaffimminnit isumaginnissinnaalissapput.

Sulissutigissavarput inuit amerlanerusut digitalikkut periarfissanik atuinissamut ilikkarnissaasa qulakkeerneqarnissaa. Tamannali nammineerluni iluarsinavianngilaq, taamaammat digitalikkut piginnaasat innuttaasunut tamanut siammarterniarlugit pisortat soqutiginnittullu suleqatisererusuppakka.
/Andreas Uldum, Aningaasaqarnermut Aatsitassanullu Naalakkersuisoq

Nalunaarusiaq uani atuarsinnaavat

Paasisaqarnerorusukkuit una attavigiuk: Dorte Bøge Sørensen, aqutsisoqarfimmi pisortaq, mobil: +299 58 75 31 – mail: dobs@nanoq.gl