Sisimiut eqqaanni nipisanniartoqarsinnaalerpoq

Matumuuna nalunaarutigineqassaaq aqutsiveqarfiugallartumi 1Bb-mi nipisat suaannik  aqagu sisamanngornermi apriilip 30-anni  aallartinneqassammat. Pisassiissutigineqartut 90 tonsiupput.

Nipisat suanniarneq unitsinneqassaaq pisassiissutigineqartut nunguppata imaluunniit ullut 47-it aalisarfigineqartussat nallerneqarpata.

1Bb-mi tunisineq kingulleq tassaasinnaassaaq ataasinngorneq juunip 15-iat, pisassiissutigineqartut piffissaq taaneqartoq nungussimanngippata.

Aqutsiveqarfiugallartumi 1Bb-mi nipisat suanniartoqarsinnaalerpoq Naalakkersuisut tamatumunnga immikkut akuersissut ullumi akuerimmassuk, aqutsiveqarfimmi 1B-mi marlunnik aqutsiveqalerallarmat – kujataani avannaanilu aqutsiveqarfeqalerluni. 

Kujataaniittoq maannakkut 1Bb-mik taaguteqarpoq avannaaniittoq 1Ba-mik. 

Sisimiut 1Bb-miippoq Kangaatsiaq Aasiaallu 1Ba-miillutik. Aqutsiveqarfiup 1B-p 67o22,5’ N qiterpiaraa, Nassuttuup kujataaniilluni.

Aqutsiveqarfimmi 1Ba-mi nipisat suaat aalisarneqartussanngorpata nalunaartoqarumaarpoq.

Attavigineqarsinnaavoq Jóhanna Lava Køtlum, Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq. E-mail: jool@nanoq.gl