Eqqartuussissuserisut misissuinerat

Pituffimmi kiffartuussisussarsiornerup ingerlasimaneranik eqqartuussissuserisup Ole Spiermannip, Bruun & Hjejlemeersup, arlaannut attuumassuteqanngitsutut misissuinerata ingerlaqqissinnaanera eqqartuussissuserisut ileqqorissaarnissaannut malitassanik unioqqutitsinersoq eqqartuussissuserisunut Advokatrådets Responsumudvalgimut misissueqqusimasunut Advokatsamfundet ullumi akissuteqarpoq.
Akissuteqaammi eqikkarneqarpoq, Ole Spiermannip eqqartuussissuserisutut misissuinera ingerlaqqissappat tamanna soqutigisanik akerleriissutaanissaanut arlaatigulluunniit innarliisinnaanissaanut tunngavissaqanngitsoq Responsumudvalgi naliliisoq. Advokatsamfundets Responsumudvalgiata oqaaseqaataa uani atuarsinnaavat (danskisut allassimavoq).
Tamanna tunngavigalugu Ole Spiermann ilisimatitsivoq eqqartuussissuserisutut misissuinini nangeqqinniarlugu. Misissuinerup juunimi 2015-imi piareersimanissaa suli naatsorsuutigineqarpoq.

Paasisaqarnerorusuttut attavigisinnaavaat Tusagassiivimmi pisortaq Paornánguaq Kleist, oqarasuaat +299 34 50 00 imaluunniit e-mail paok@nanoq.gl.