Tusagassiortunik katersortitsinissamut aggersaaneq

SFI-p "Kalaallit Nunaanni Inuusuttut kinguaassiuutinut tunngasut kinguaassiuutitigullu innarliisarnerit qitiutinneqarlutik" nalunaarusiaa saqqummerpoq.

Ilaqutariinnermut, Naligiissitaanermut Isumaginninnermullu Naalakkersuisoq Martha Lund Olsen matumuuna 22. april 2015-imi nal. 12.30 Naalakkersuisut tusagassiortunik katersortitsisarfiannut tusagassiortunik katersortitsinissamut aggersaavoq.

Tusagassiortunik katersortitsinermut Naalakkersuisup SFI-p "Kalaallit Nunaanni Inuusuttut kinguaassiuutinut tunngasut kinguaassiuutitigullu innarliisarnerit qitiutinneqarlutik" nalunaarusiaata marlunngornermi 21. april 2015-imi saqqummertussap inernerinik saqqummiussiniarnera pissutaavoq. Misissuineq 2014-ip ingerlanerani SFI-p aamma Ilaqutariinnermut, Naligiissitaanermut Isumaginninnermullu Naalakkersuisoqarfiup akornanni suleqatigiinnikkut pivoq, tamatumani inuusuttut 18-24-nik ukiullit apersorneqarsimallutik.

Meeqqanut kinguaassiuutitigut atornerluisarnerup ilisimaneqarnerulernissaa, kiisalu atornerluinerit qanoq ittuunerisa tamatumalu kingunerisartagai ilisimaneqarnerulernissaat misissuinermi anguniagaavoq. Ilisimasat tamarmiusut meeqqanut kinguaassiuutitigut atornerluisarnernut pinaveersaartinneqarnissaannut atorneqarsinnaassapput.

 

Paasisaqarnerujumaguit naalakkersuisup allattaa Sina Møller Kristiansen attavigisinnaavat, e-mail: nimk@nanoq.gl imaluunniit mobil nr. 539371