Baffinlandip savimminissamik nuussisarnissaanut tusarniaaneq

Baffinland Iron Mines Corporationsip (Baffinlandip) nunatta imartaani saviminissamik umiarsuarmit umiarsuarmut pilersaarutigisatut nuussisarnissaanut inuiaqatigiinni piujuartitsineq pillugu nalilersuinermik (VSB-mik) aamma avatangiisinut sunniutaasussanik nalilersuinermik (VVM-imik) suliaqarnissamut suliassanik nassuiaasiat sioqqutsisumik tusarniaassutigisassatut nassiunneqarput. 

Baffinland aamma Inuussutissarsiornermut, Suliffeqarnermut Niuernermullu Naalakkersuisoqarfik, kiisalu Pinngortitamut, Avatangiisinut Inatsisinillu atuutsitsinermut Naalakkersuisoqarfik pilersaarutigisatut umiarsuarmit umiarsuarmut nuussinissamik suliassanut Baffinlandip inuiaqatigiinni piujuartitsineq pillugu nalilersuinermik (VSB-mik) aamma avatangiisinut sunniutaasussanik nalilersuinermik (VVM-imik) suliaqarnissaa isumaqatigiissutigisimavaat. Aammattaaq suliassanut nassuiaatit ulluni 35-ni sioqqutsisumik tusarniaassutaanissaat isumaqatigiissutaavoq. VSB-mik VVM-imillu suliaqarnernut suliassanut nassuiaatit, kiisalu tusarniaasitsinermut atortussat sinneri uani atuarneqarsinnaapput.

 Suliassanut nassuiaatinut tusarniaanermut akissuteqarnissamut piffissaliunneqarpoq maajip qaammataata 22-at.