Isumaqatigiissutip nutarternera

Sisamanngorneq 26. marts 2015 Sulisunik Siulersuisut Kattuffiat (SSK) aamma Naalakkersuisut akunnermini isumaqatigiissutip nutarterneqarnissaa isumaqatigiissutigaat.

Illuatungeriit ukiunut sisamanut isumaqatigiissuteqarput 1. april 2015-miit 31. marts 2019-mut attuuttussamik, isumaqatigiinniarnermi killissarititaasup 3%-p iluani isumaqatigiittoqarpoq.

Kattuffiit ilaat ulloq manna tikillugu qaffasissumik soraarnerussutisiaqalernissamut akiliutigisartagaat qaffasissuunngillat,  taamaattumik  maannakkut isumaqatigiinniarnerni akiliutaasartut qaffaassutissaannik immikkoortitsisoqarpoq akissarsiat tamakkiisut 0,78%-iisa naliganik. Taamaasiornikkut sulisut soraarninngornissaannut aningaasatigut oqilisaanneqassammata.

Isumaqatigiinniarnerit toqqissisimasumik illuatungeriinnit ingerlanneqarput.

Nuuk ulloq 26. marts 2015

Aqqaluk Kristiansen  Frederik Møller 
SSK-Sulisunik Siulersuit Kattuffiat      Isumaqatigiinniartarfik 

 

Isumaqatigiinnermit nutaarsiassaq atsiornilik (pdf).