Norgemi Petroleumstilsynetilu suleqatigiinnissamik isumaqatigiissut

Aatsitassarsiorfiusup iluani ilisimasanik pitsanngorsaaniarluni, kiisalu aqutsisoqarfimmi sulisorisat akornanni annertusisamik piginnaanngorsaaniarluni Aatsitassanut Ikummatissanullu Aqutsisoqarfik nukittuumik suleqatissarsisimavoq. Aatsitassanut Ikummatissanullu Aqutsisoqarfik Norgemi Petroleumstilsynet, aqutsisoqarfitta teknikkimut tunngasunik immikkoortoqarfianut assingusumik suleqatigiinnissamik isumaqatigiissummik atsiugaqarpoq.

Isumaqatigiissummiipput suleqatigiiffissarpassuit, misilittagarisanik ilinniarfigisinnaasagut – piujuartitsisumik ineriartortitsinerup qulakkeernissaanit isumalluutitta sunniuteqarluartumik isumannaatsumillu aqutarinerisa qulakkeernissaannut, aammalu piginnaaffiit paarlatarisarnissaat, kiisalu ilinniagaqarsinnaanerit pillugit illua’tungeriilluni suleqatigiittarnissaq.

”Tassaavoq uagutsinnut isumaqatigiissut pitsavik. Petroleumstilsynet nunat tamalaani tutsuigisaalluarpoq, misilittagarpassuisigullu tamanna assupilussuaq uagutsinnut pissarsiviunissaa qularutiginngilara”, Aatsitassaqarnermut Naalakkersuisoqarfimmi naalakkersuisoqarfiup pisortarigallagaa Jørgen T. Hammeken-Holm oqarpoq, suleqatigiinnerullu piviusutigut qanoq pisinnaanissaanut piviusumik assersuuteqarluni:

”Petroleumstilsynet uuliasiorfimmik nakkutiginissaannik annertuumik piviusunik misilittagaqarpoq. Maannakkut uagut taamatut periarfissaqannginnatta teknikkimik suliaqartuutigut ataasiakkaat Norgeliartissinnaalissavagut, nakkutilliinermi misilittagaqalersinniarlugit. Taamatut misilittagaqarneq nalikinaarlugu nalilerneqarsinnaanngilaq”.

Isumaqatigiissut naapertorlugu Norgemi aamma Kalaallit Nunaanni paarlakaattumik ukiumoortumik ataatsimiittarnissaat siunertaavoq.

 

Ilassutissatut paasissutissat:

Jørgen Hammeken-Holm, Naalakkersuisoqarfimmi pisortaagallartoq, oqarasuaat angallattagaq: 552466