DMI-lu suleqatigiinnissamik isumaqatigiissut nutaaq

Aatsitassaqarnermut Naalakkersuisoqarfik Dansk Meterologiske Instituttilu (DMI-lu) suleqatigiinnissamik isumaqatigiissummik atsiorput. Tassaavoq siunnersuisarneq pillugu isumaqatigiissut, uuliakoornermut iluserititatta ineriartortinnissaanut, allanillu aatsitassarsiornermik sulianut, DMI-p ilisimasaqarfigisaanut atasunut atatillugu Aatsitassaqarnermut Naalakkersuisoqarfik DMI-p immikkut ilisimasaanik pissarsiaqarsinnaasassalluni.

Suleqatigiinnissamik isumaqatigiissut Aatsitassaqarnermut Naalakkersuisup Anda Uldumip aamma Silap pissusaanut, nukissiornermut illoqarfinnillu pilersaarusiornermut Ministerip Rasmus Helveg Petersenip atsiorpaat.

”Isumaqatigiissut nuannaraara. Suliaqarfimminni DMI nukittupput, imartatsinnilu avatangiisitta qulakkeernissaanut tunngatillugu pitsaanerpaat pisariaqartivissorneqarput”, Anda Uldum iluarinnilluni oqaaseqarpoq, erseqqissarpaalu uuliakoortoqassagaluarpat ajutoornerup annikinnerpaatinnissaanik piareersimanissamut ilungersuullugu sulissuteqarnissaq pillugu Naalakkersuisut neriorsuutiminnut isumaqatigiissutaasukkut naapertuutsitsisuunerat erseqqissarlugu.

Piviusutigut in-situp, silap pissusaani sullissinerit, uuliakoortoqarneramullu iluserisat iluini siunnersuisarnissanik isumaqatigiissut imaqarpoq. Sullissinissat suliassallu saniatigut aamma sullississutit taaneqartut suliarinerinut akit arlallit aamma aalajangersarneqarput.

Isumaqatigiissut nutaaq 31. december 2017-ip tungaanut atuutissaaq.

Anda Uldum, Aatsitassaqarnermut Naalakkersuisoq (Demokraatit)

Ilassutissatut paasissutissat:  Tusagassiornermut ataqatigiissaarisoq Martin Christiansen, oqarasuaat angallattagaq: 221533

Naalakkersuisoqarfimmi pisortaagallartoq, Jørgen Hammeken-Holm, oqarasuaat angallattagaq: 552466