Hudson Resourcesip atuinissamut akuersissutisinissaq pillugu qinnuteqaataa

Nunatta qeqqani Qaqortorsuup eqqaani anorthositinik atuinissamut akuersissuteqarnissaq pillugu Hudson Resources qinnuteqaammik tunniussaqarpoq. Tassunga atatillugu ingerlatseqatigiiffiup inatsisitigut pisussaaffittut inuiaqatigiinni piujuartitsinissaq pillugu nalilersuinerit (VSB) aamma avatangiisinut sunniutaasussanik nalilersuinerit (VVM) nassiussimavai. Allagaatit maannakkut tamanut ammasumik tusarniaassutitut nassiunneqarput.

Tusarniaasitsineq marsip 23.-annit maaip 29.-annut pissaaq. Tusarniaasitsinermi Naalakkersuisut Maniitsumi, Kangaamiuni, Itillermi, Sisimiuni, Sarfannguani Kangerlussuarmilu tamanut ammasunik tusarniaasitsinermut tunngasunik ataatsimiisitsinernut qaaqqusissapput. Tusarniaasitsinermik ataatsimiinnissanut piffissaliussat eqqortut pillugit erseqqinnerusumik piaarnerpaamik ilisimatitsisoqassaaq.

Tusarniaasitsinermut ataatsimiisitsinerit suliniummut nalinginnaasumik, immikkullu ittumik tusarniaasitsinermi atortunut, Naalakkersuisut nittartagaanniittunut innuttaasunik takkuttunik ilisimatitsinermik apeqqutissaminnullu akissutisinissamut periarfissinneqassapput. Uani takukkit. 

Erseqqinnerusumik paasissutissanik pissarsiniaruit saaffigikkit: Aatsitassaqarnermut Naalakkersuisoqarfik, Inuussutissarsiornermut, Suliffeqarnermut Niuernermullu Naalakkersuisoqarfik, kiisalu Pinngortitanut, Avatangiisinut Inatsisinillu Atuutsitsinermut Naalakkersuisoqarfik.