Franskit ministeriat tikeraartoq

Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq Vittus Qujaukitsoq Frankrigimi nunanut allanut ministerimik Laurent Fabiusimik aamma danskit nunanut allanut ministerianik Martin Lidegaardimik ataatsimoorussatut soqutigisat oqaluuseriniarlugit Ilulissani ataasinngornermi marsip 23-annit 24-annut, 2015-imi, naapissapput. 

Inuussutissarsiornermut, Suliffeqarnermut, Niuernermut Nunanullu Allanut Naalakkersuisup Vittus Qujaukitsup danskit franskillu nunanut allanut ministerii ataasinngornermi ullup qeqqata siorna tikilluaqqussavai, kingornatigullu ministerit taakku pingasut peqatigiillutik Ilulissiassapput. 

Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq Vittus Qujaukitsoq danskillu nunanut allanut ministeriat Martin Lidegaard tikeraartitsisuupput, ministerillu taakku pingasut oqaluuserisaqarfigalugit ataatsimiissapput silap pissusaani allannguutit, Issittumi Siunnersuisooqatigiit, Kalaallit Nunaanni aningaasaliisarnerit, aamma nunatsinni piujuartitsisumik piniarneq aalisarnerlu pillugit oqaluuserisaqassallutik. 

Pisussat marlunngornermi nal. 12 naammassineqartussatut pilersaarutaapput, kingornatigut danskit franskillu nunanut allanut ministerii angerlamut aallassallutik. 


Annertunernik paasisaqarniaraanni Rebecca Lynge attaveqarfigineqassaaq, oqarasuaat +299 553328 imaluunniit e-maili rejl@nanoq.gl aqqutigalugit.