Ilungersunartoqarnera qularutissaanngilaq

Naalakkersuisut Siulittaasuata Kim KIelsenip Nauja Lyngep, Palle Christiansenip aamma Jairus Lyberthip ammasumik allagaannut akissuteqaataa

Saaffiginnissutissinnut nunatsinnilu inuiaqatigiinni pissutsit pillugit soqutiginninnissinnut qujanaq.

Qularutissaanngilaq nunatsinni nunattalu aqunneqarnerani annertuumik ilungersunartoqarmat. Saaffiginnissutissinni Kalaallit Nunaanni ilungersunartut pingaaruteqartut taakkartorpasi. Ilungersunartut allat tassaapput assersuutigalugu suliffissaqartitsiniarluni aamma aalisartut piniartullu namminersortut inuuniuteqarsinnaanissaannik qulakkeerinninnissaq.

Naalakkersuisut politikkikkut Siumut, Demokraatit Atassutillu akornanni isumaqatigiissuteqarnermikkut aaqqissuussinissamut pilersaarutit, pineqartuni iliuuseqartariaqarneq allallu tikkuartorneqarput, ilutigitillugu piumasarineqarluni inuiaqatigiit pisariaqartitaannik tamakkiisumik akisussaassuseqartumillu aaqqiissutissarsiortoqassasoq.

Suliniuteqarneq ilaatigut danskit naalakkersuisui qanittumik suleqatiginerisigut ingerlanneqarpoq, ataavartumik pitsaasumillu oqaloqatigiinneq ingerlanneqarluni danskit naalakkersuisuisa ministereqarfii aqutsisoqarfiilu suleqatigilluarlugit. Naalakkersuisut danskillu naalakkersuisuisa akornanni suleqatigiilluarnerup apeqqusersorneqarnissaa ajuusaarutigissaqaara. Akissummili matumani apeqqusersuineq nungutissimaniartussaassaaq.

 

Inussiarnersumik inuulluaqqusillunga

Kim Kielsen
Naalakkersuisut siulittaasua