Nittartagaq nutaaq

Nittartakkap nutaap saammaateqatigiinnissamut isumalioqatigiissitap suliai erseqqissassavai

Maanna saammaateqatigiinnissamut isumalioqatigiissitap suliai internetsikkut malinnaaffigineqarsinnaalerput.

Nittartakkami ilaatigut nassaarineqarsinnaapput Kalaallit Nunaanni saammaateqatigiinnissamik suliaq qanoq paasisariaqarnersoq aamma saammaateqatigiinnissamut isumalioqatigiissitap sulinermini suut tunngaviginerai pillugit paasissutissat.

Nittartagaq nutaaq adressemi uani nassaarineqarsinnaavoq, www.saammaatta.gl.

”Oqaaseq saammaatta atussallugu toqqarparput, tassa oqaaseq taanna qaaqquserpalaarlunilu kajumissaarerpasimmat. Saammaateqatigiinnissamut isumalioqatigiissitaq nunatta iluani saammaateqatigiinnissamut ingerlaasissaq tunngavigalugu sulivoq, tassani Kalaallit Nunaanni innuttaasut qitiutillugit sulisoqarluni, taamaammat inuit isumalioqatigiissitap suliaanik malinnaasinnaasariaqarput”, oqarpoq Aviâja Egede Lynge.

Paasisaqarnerorusukkuit attavigiuk:

Mari Kleist

Allaffiup pisortaa

Saammaateqatigiinnissamut isumalioqatigiissitap allattoqarfia

Email: marh@nanoq.gl