2014-imi pisassiissutinik 2015-imut nuussineq

2014-imi piniakkanut killilersukkanut pisassiissutinit sinneruttut 2015-imut nuunneqarput

Qilalukkat qaqortat aamma qernertat pillugit kiisalu aarrinut nalunaarutit naapertorlugit qilalukkat aarrinullu pisassiissutinit pisarineqanngitsoortut ukiup tullianut nuunneqarsinnaapput, uumasoqatigiiaanut killigititaasut iluini.

Pisarineqarsimasut amerlassusaat kommuunit allattugaannut naapertuunnersut kommunit misissueqqullugit APNN-imit piumaffigineqarput. Maanna nalunaarsukkat eqqortut pisimalerpagut. Pisassiissutinit sinneruttut agguataarneri uani ataani takuneqarsinnaapput.

Qilalukkat qaqortat qernertallu

Qilalukkanik qaqortanik qernertanillu piniarneq inatsisitigut Namminersorlutik Oqartussat qilalukkat qaqortat qernertallu illersugaanerat piniagaanerallu pillugit nalunaarutaat nr. 7, 29. marts 2011-meersumi malittarisassiuunneqarnikuuvoq.

Qilalukkat qaqortat, 2014-imi pisassiissutinit sinneruttut

Qaasuitsup Kommunia

71

Qeqqata Kommunia

20

Kommuneqarfik Sermersooq + Kommune Kujalleq

  3

 

Qilalukkat qernertat, 2014-imi pisassiissutinit sinneruttut

Qaasuitsup Kommunia – Qimusseriarsuaq

-9

 

 

Qaasuitsup Kommunia – Kitaani

20

Qeqqata Kommunia

  4

Kommuneqarfik Sermersooq – Qeqqa aamma Kujataa

  2

 

 

Kommuneqarfik Sermersooq – Tunu Ittoqqortoormiit

  7

2013-imi taamanikkut Piniarnermut Naalakkersuisup aalajangerpaa qilalukkanik qaqortanik qernertanillu pisassiissutit sinnerinik nuussinermi ”amerliartuaanngitsumik kisitseriaaseq” taaneqartartoq atorneqartassasoq. Tamanna isumaqarpoq ukiup siuliani piasssiissutaasimasut kisimik sinneri nuunneqartassasut.

Qaanaap aqutsiveqarfia qilalukkanut qaqortanut qernertanullu ukiunut tallimanut atuuttumik teknik-ikkut pisassinneqartarpoq, taamaammat naatsorsuinerni ukunani ilaanngilaq.

Aarrit

Aarrit piniagaanerat inatsisitigut Aavernik illersuineq piniarnerlu pillugit Namminersornerullutik Oqartussat nalunaarutaat nr. 20, 27. oktober 2006-imeersumi malittarisassiuuneqarnikuuvoq.

Aarrit, 2014-imi pisassiissutinit sinneruttut

Qaasuitsup Kommunia –
Avannaata imartaa (Qaanaap eqqaa)

16

 

Qaasuitsup Kommunia –
Kitaa (Upernavimmiit Kangaatsiaq ilanngullugu)

 

  7

Qeqqata Kommunia

10

 

Kommuneqarfik Sermersooq – Tunu

10

2014-ini aallartiffigalugu pisassiissutit peqassutsit ataasiakkaat iluanni kommunit namminneq aqutsiveqarfikkaarlugit agguaasalernissaat aallarnisarneqarpoq. Oqaatigineqassaaq pisassiissutinik aaveqatigiiaat akimorlugit aqutsiveqarfimmi ataatsimit aqutsiveqarfimmut allamut nuussisoqarsinnaanngimmat, aaveqatigiit immikkoortutut isigineqarmata.

 

Sukumiinerusumik paasissutissanik pisoqarsinnaavoq, uunga saaffiginnilluni:

Immikkoortortami pisortaq Amalie Jessen
Oqarasuaat: (+299) 34 53 04
e-mail: Amalie@nanoq.gl