Avannaani qaleralinniarneq

Aalisarnermut, Piniarnermut Nunalerinermullu Naalakkersuisoqarfik avannaani aalisariutit sinerissap qanittuani qaleralinniartut ukioq manna qaleralittassaannik 2014-imi pisassiissutaasut tunngavigalugit ulluni makkunani akuersissutinik nalunaarfigineqarput. 

Naalakkersuisut aqutsiveqarfinnut Upernavimmut, Uummannamut aamma Qeqertarsuup Tunuanut 2015-imut qaleralittassiinerminni pisassiissutit ilassutaasa ilaannit aalisariutinut immikkoortitsipput, pisassiinermi ikippallaanik pisassalinnut pisassiisoqarsimammat. 

Aalisariutinut pisassalinnut immikkut pisassiissutigineqartussat katillutik 693 tonsiupput, Uummannami 370 tonsit, Upernavimmi 206 tonsit Qeqertarsuullu Tunuani 107 tonsit.

Umiatsiaararsortunut ukioq manna pisassiissutigineqartut 2014-imit amerlanerupput. Qaammammut pisassiisoqartassaaq. Naalakkersuisut pisassiissutinik aalajangiinerminni ilannguppaat umitsiaararsorniarlutik qinnuteqarsimagaluarlutik akuerineqarsimanngitsut akuerineqarnissaannik aamma misissuisoqassasoq. Tamanna tunngavigalugu Naalakkersuisoqarfik maanna misissuivoq taakku qanoq  pineqarsinnaassanersut.

 

Qaleralik

 

2014-imut pisassiissutit

(tons)  

 

2015-imut pisassiissutit

(tons)  

 

 

 

Upernavik

- umiatsiaaqqat = 55,4631%

- aalisariutit = 44,5369 %

 

9.015

- 5.000

- 4.015

 

9.500

- 5.269

- 4.015 + 216*

 

 

 

Uummannaq

- umiatsiaaqqat = 66,9650 %

- aalisariutit = 33,0350 %

 

8.379

- 5.611

- 2.768

 

9.500

- 6.362

- 2.768 + 370*

 

 

 

Qeqertarsuup Tunua

- umiatsiaaqqat = 46,7333 %

- aalisariutit = 53,2667 %

 

9.000

- 4.206

- 4.794

 

9.200

- 4.299

- 4.794 + 107*

 

 

 

* Aalisariutinut pisassalinnut immikkut pisassiissutigineqartussat katillutik 693 tonsiupput, Uummannami 370 tonsit, Upernavimmi 206 tonsit Qeqertarsuullu Tunuani 107 tonsit.  

 

Attavigineqarsinnaavoq: Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Lava Køtlum. E-mail: jool@nanoq.gl