Illernit pisortatigoortumik ammarneqarmat

Naalakkersuisoq qimarnguik Illernit pisortatigoortumik ammarneqarmat peqataavoq.

Naalakkersuisoq Martha Lund Olsen ullumi nuna tamakkerlugu arnanut meraannullu qimarnguik Illernit, Qeqertarsuarmiittoq pisortatigoortumik ammaanersiorneqarmat peqataavoq.

Martha Lund Olsen-ip ammaanermi oqaaseqarnermini ilaatigut oqaatigivaa:

"Inuk annersarneqartoq inuttut pisinnaatitaaffimminik arsaarneqartarpoq, tamannalu inuup tutsuiginassusianik innarliineruvoq annertooq. Inuit annersarneqartartut annertuumik kingunerlutsitsisarput, tamatumani arnat kisimik pineqaratik aamma meerartaasut annersaanernik takusaqarnermikkut naalliutsinneqartarmata. Qimarnguik manna pikkorissunik sullissisoqarnissaminut aningaasaliiffigineqarsimavoq. Taakkuli aqqutissiuutissavaat arnat meeqqallu toqqissillutik inuunerminnik ingerlatitseqqissinnaanissaat.”

Naalakkersuisut ingerlatsinermut immikkut aningaasaliissuteqarsimapput, taamaasilluni ilaqutariinnut ulloq unnuarlu akiliut 850 kr.-neqarsinnaasunngortissimallugu.

Paasissutissat annertunerusut Ellen Magnussen-imut, ello@nanoq.gl telefon 346620 saaffiginninnikkut pissarsiarineqarsinnaapput