Aatsitassarsiortut ataatsimeersuarnerannut peqataanissaq

Aningaasaqarnermut Aatsitassanullu Naalakkersuisoq Andreas Uldum PDAC-p aatsitassat pillugut Canadami ataatsimeersuartitsinissaanut peqataassaaq.

Aningaasaqarnermut Aatsitassanullu Naalakkersuisoq Andreas Uldum Canadami Aatsitassarsiortut suleqatigiiffissuata Prospectors & Developers Association of Canadap nunani tamalaani aatsitassarsiornermik aallussaqartunut ukiumoortumik ataatsimeersuartitsinissaanut peqataassaaq. Ataatsimeersuarneq pissaaq Canadap illoqarfissuisa annersaanni Torontomi marsip aallaqqaataaniit sisamaat ilanngullugu. Andreas Uldum oqarpoq ataatsimeersuarnermut tassunga nunatsinniit peqataasarneq nunatsinnut pingaaruteqartuusoq.

Nipaa tusaruk.

PDAC-ip nittartagaa alakkaruk.