Naalakkersuisut Siulittaasuata Naalakkersuisoqarfiani allanngortitsineq

Naalakkersuisut Siulittaasuata Nalaakkersuisoqarfiani Naalakkersuisoqarfiup pisortaa Svend Hardenberg ullumikkumiit  atorfimminit tunuartinneqarallarpoq. Ilutigalugu aalajangerneqarpoq Søren Hald Møller Naalakkersuisut Siulittaasuata Naalakkersuisoqarfiani pisortaagallartussatut atorfinitsinneqassasoq. Søren Hald Møller massakkut Aatsitassanut tunngatillugu Avatangiisinut Aqutsisoqarfimmi pisortatut atorfeqarpoq 2014-imiilli Pinngortitamut, Avatangiisinut Inatsisinillu Atuutsitsinermut Naalakkersuisoqarfimmi pisortatut atorfeqarsimalluni.   

Pinngortitamut, Avatangiisinut Inatsisinillu Atuutsitsinermut Naalakkersuisoqarfimmi immikkoortortaqarfimmi pisortaq  Mette Skarregaard Pedersen Naalakkersuisoqarfimmi pisortaagallartussatut toqqarneqarpoq. 

Suliaq inunnut ataasiakkaanut tunngassuteqarmat, Naalakkersuisut Siulittaasuata Naalakkersuisoqarfia annertunerusumik oqaaseqarsinnaanngilaq.