Nunarput arnat naligiissitaanermi inissisimanerat pillugu misilitsissaaq

FN-ip Arnat atugarisaat pillugit isumasioqatigiissitsinissaanni, 24. februar FN-p Europap qullersaqarfiani Schweizimi illoqarfimmi Genêve-mi pisussami, Kalaallit Nunaat, Savalimmiut Danmarkilu arnat naligiissitaanerup aqqani ilumut immikkoortinneqartannginnissaat pillugu ataatsimeersuarnermi (CEDAW-imik taaguuserneqarsimasumi) misilitsinneq pissaaq.

Nunatta soraarummeeqataaneranut tunngaviussaaq nalunaarusiaq naligiissitaanerup aqqani 2009-miilli iliuuseqaataasimasunik, takussutissiatigut inatsisitigullu anguneqarsimasut pillugit saqqummiussaqarnissaat. Qanoq naligiissitaanissamut apeqqut assersuutigalugu suliffeqarnermi ilinniartitaanermilu angusaqarfiusimava? Saqqummiussereernerup kingorna CEDAW-imi komitii inassuteqaateqassaaq tullissaanik soraarummeertoqarnissaata tungaanut sutigut suli pitsanngorsaasoqarsinnaanersoq.

Nunarput siulianiilli soraarummeersitsisoqarmat angusaqangaatsiarsimavoq tassami naligiissitaanermut inatsit annersaasarnermut pinaveersaartitsineq pilersitsisimammat.

2013-mi naligiissitaanermut inatsit nutaaq akuersissutigineqarsimavoq, tassuunalu erseqqissumik oqariartuutigineqarsimalluni, suiaassutsit tunngavigalugit immikkoortitsisarnerit akuerineqarsinnaanngitsut.

Naalakkersuisut suliniutigisaat taaguuserneqarsimasoq  ”2014 - 2017 akornanni  Nipangersimanata – Persuttaaneq unitsilli– Iliuuseqarfigalugulu” tassaavoq assigiinngitsutigut iliuuseqarnikkut arnat annersarneqartarnerisa unitsinniarneqarnissaa.

Paasisaqarnerorusukkuit atavigisinnaavat Kirsten Olesen, oqarasuaat 55 32 52.