Naligiissitaanermut Siunnersuisoqatigiit nutaat pilersinneqarput.

2015-imiit 2018-imut Naligiissitaanermut Siunnersuisoqatigiit nutaat pilersinneqar-put.

Naalakkersuisut 2015-imiit 2018-imut Naligiissitaanermut Siunnersuisoqatigiit nutaat pilersippaat. 

2015-imiit 2018-imut Naligiissitaanermut Siunnersuisoqatigiinnut nutaanut ilaasortat peqatigiiffinnit kattuffinnillu inassuteqaateqarsinnaasunit arlalinnit inassutigineqarsimapput.

Siulittaasoq nutaaq tassaavoq Dorthe Korneliussen, ulluinnarni Ilisimatusarfimmi Ilinniaqqinnermut pisortaasoq. Ilaasortat allat tassaapput Else T. Lund, Kasper Larsen, Inuuti Fleischer, Elisa Jeremiassen, Anda Poulsen aamma Vittus Poulsen.

Inatsisip siunertaraa arnat angutillu akornanni naligiissitaanerup siuarsarneqarnissaa.

Naligiissitaanermut Siunnersuisoqatigiit angutit arnallu naligiissitaanissaat pillugu Inatsisartut inatsisaat 2013-imeersoq naapertorlugu pilersinneqarput.

Naligiissitaanermut Siunnersuisoqatigiit ilaatigut suliassaraat "arnat angutillu akornanni naligiissitaanissamik inatsisip atuutsinneqarnerata nakkutigineqarnissaa" aamma "ingerlatanik paasissutisseerpalaartunik oqallinnermillu pilersitsisartunik aallartitsisassallutik".

Naligiissitaanermut siunnersuisoqatigiit naalakkersuinermut attuumassuteqanngillat namminerisaminnillu allattoqarfeqarlutik.

Paasisaqarnerorusukkuit Niels Thomas Andersen attaveqarfigiuk, oqarasuaat 34 53 39