Pingaaruteqarpoq aalisartut piniartullu tusarnaassallugit

Aalisarnermut, Piniarnermut Nunalerinermullu Naalakkersuisoq, Karl-Kristian Kruse marlunngornermi februaarip 17-ianni 2015 Kujataaliarluni aallassaaaq.

Kujataani angalaneq aalisarnermut piniarnermullu sammisuuvoq.

- Uannut pingaaruteqarpoq kujataani aalisarneq piniarnerlu maannakkut qanoq ingerlanersoq qanimut  paasisaqarfigissallugu, Karl-Kristian Kruse, Kujataani aalisartut piniartullu peqatigiiffiinik aatsaat ataatsimeeqateqartussaq oqarpoq.

Aajuna Naalakkersuisuni ilaasortap angalanissaanut pilersaarutaa.

Marlunngorneq, februaarip 17-ianni: Qaqortumi aalisartunik piniartunillu ataatsimeeqateqarneq, peqatigiiffiup illuutaani.

Pingasunngorneq, februaarip 18-ianni: Nanortalimmi aalisartunik piniartunillu ataatsimeeqateqarneq, peqatigiiffiup illuutaani.

Sisamanngorneq, februaarip 19-ianni: Narsami aalisartunik piniartunillu ataatsimeeqateqarneq, katersortarfimmi.

Naalakkersuisuni ilaasortap Arctic Prime Fisheriesip Qaqortumi Nanortalimmilu aalisakkeriviutai ilaatigut pulaassavai.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfik,  immikkoortortaqarfimmi pisortaq Emanuel Rosing, e-mail:emanuel@nanoq.gl