Kalaallit Nunaanni Danmarkimisut qiteqqusimassaagut

Namminersorlutik Oqartussat erfalasui tamarmik ataasinngornermi qiteqqusimassapput, Københavnimi sapaatip akunnerata naanerani peqqaarniisaarniarnernit eqqugaasunut ilaqutaasunullu misiginneqatiginninnerput aliasunnerpullu takutinniarlugu.  

Danmarkimi oqartussat Savalimmiunilu Lagtingi aamma qiteqqusimassapput. 

Naalakkersuisut Siulittaasuat Kim Kielsen oqarpoq: 

“Naalakkersuisut demokratii saassullugu peqqarniisaarniarneq akerleraat. Taamaammat Danmarkimi oqartussat Savalimmiunilu Lagtingi peqatigalugit eqqugaasunut ilaqutaasunullu misiginneqataanerput eqqarsaatitsinniinnerallu takutinniarlugu qiteqqusimassuugut. 

Demokratii aqqutigalugu pisinnaatitaaffipput, killiligaanani oqarsinnaatitaaneq, saassunneqarpoq. Qunusiarineqassanngilagut. Killiligaanata oqarsinnaatitaanerput nukittoqutigaarput, tamannalu illersussavarput - ataatsimoorluta.” 

Paasisaqarnerorusuttut attavigisinnaavaat Naalakkersuisoqarfimmi pisortaq Svend Hardenberg, oqarasuaat +299 34 50 00 imaluunniit e-mail svha@nanoq.gl.